Nghệ nhân A Biu mặc muôn cắp vịa bók tặp cọng, tặp cống

          Trương Tiểu học Đặng Trần Côn, dú xã Ngọc Bay, thành phố Kon Tum mi dáo 700 nọng học sình, tênh mết pọm lỏ lụk nọng khòng côn  Ba Na.Khù lá xưa lỏ nẳng trương nị phân lài học sình pọm mặc muôn cánh hụ tặp cọng cống, xe xoang. Cứ lằng chơ ép cánh mự thứ 7 cánh mự dặng xiềng cọng xiềng cống cọ phọn nương nẳng phiềng hươn trương. Say giáo Đậu Thị Lan, Hiệu trưởng hẳư hụ:  há phong tặp cọng cọ đảy hươn trương chự mẳm kỉ pì ma lẹo cánh côn lâng mặc muôn chík bók hẳư pưng nọng học sình ặn lỏ nghệ nhân Abiu.

          Báu chư hịa bók hẳư pưng nọng học sình nẳng Trương Tiểu học Đặng Trần Côn lạ cọ xương thành thiếu nhi pưng bản cuồng phổng hụ tặp cọng, xe xoang, Nghệ nhân A Biu nhăng kẻ nà tô thí ma tang ngươn lang vằn hoá cọng cống vạy tẳng tánh, púc chuân pùn pàn lan nóm hụ pảy chự cánh pếnh khày ngươn lang vằn hoá khòng chựa côn Ba Na. Pưa đảy nghệ nhân A Biu hụ hền, bók sòn, lài nọng cọ nhẳn danh đảy luông hụ chang khòng chảu cài pưng chu liên hoan, hội thì xương nọng Y Việt Hương, học sình lớp 4D, nọng A Văn Thỉu, học sình lớp 5C. Lưn xưa lỏ nọng Y Thái Thị Kim Ngân, học sình lớp 6, Trương Trung học cơ sở Hàm Nghi tặp đảy phú cọng 8 khẳng.

          Pưa mặc muôn cắp vằn hoá cọng cống cánh vạy nghịa hặc panh nặn xam khảu mốc khảu chằư khòng chu côn, hạng 10 pì cài ma nghệ nhân A Biu cọ dòm lài dan chơ xọk xáo, nghiên cứu vạy hụ đảy pưng khù cốc chính khòng vằn hoá cọng cống. Lụng cọ hák xáo say vạy thỏi thàm cánh chang ngắm pùn ók luông rièng khòng chảu. Pưng khẳng cọng lô lung cọ sảng pành lau pền pưng khẳng cọng tặp xiềng mo xiềng dỏn.

          Đối cắp Nghệ nhân A Biu, cọng cống  lỏ cốc cò, lỏ quam pák ín xương khòng côn ba na. Chơ muôn cọ tặp cọng, chơ puôn chằư cọ tặp cọng. Chơ hăc panh ín xương cằn, chơ báu xồm chằư khù xằng cọ mi xiềng cọng vạu hẳư. Vạy pảy chự cánh pếnh khày đảy nghệ thuật cọng cống ngày cuồng puồng kìn đơi dú hạng mự hư pùn pàn lan nóm cận đảy mặc muôn cắp cọng cống.Ăn nị cọ men cốc pài chính vạy nghệ nhân A Biu chăm va 60 pì lẹo cọ mặc muôn pày họt pưng trương ép, bản tặư na nừa cuồng thành phố Kon Tum, tỉnh Kon Tum chiên bók tặp cọng cống hẳư pùn pàn lan nóm./.

TTT-Huyền dịch

꫃ꪉ ꫄ꪐꪙ ꪯꪱ ꪚꪫꪲ ꪣꪀꪰ ꪣꪺꪙ ꪀꪚꪾ ꪫꪀꪸ ꪚꪮꪀ ꪕꪚꪾ ꪁꪮꪉ

          ꪹꪋꪉ ꪔꪫꪸ ꪭꪮꪀ ꪒꪉꪰ ꫄ꪊꪙ ꪶꪁꪙ ,ꪤꪴ ꪎꪱ ꪉꪮꪀ ꪼꪚ ,ꪵꪗꪉ ꪶꪠꪉ ꪁꪮꪙ ꪕꪣꪴ ꪣꪲ ꪤꪱꪫ 700 ꪙꪮꪉ ꪭꪮꪀ ꪎꪉꪲ ,꫃ꪕꪉ ꫃ꪢꪒ ꪝꪮꪣ ꪨꪷ ꪩꪀꪴ ꪙꪮꪉ ꪄꪮꪉ ꫛ ꪛꪱ ꪙꪱ. ꪄꪴ ꪨꪱꪀ ꪹꪏ ꪨꪷ ꪘꪉꪰ ꪹꪋꪉ ꪙꪲ ꫄ꪡꪙ ꪨꪱꪥ ꪭꪮꪀ ꪎꪉꪲ ꪝꪮꪣ ꪣꪀꪰ ꪣꪺꪙ ꪵꪀꪉ ꪭꪴ ꪕꪚꪾ ꪁꪮꪉ ,ꪵꪏ ꪏꪫꪱꪉ. ꪁꪳ ꪨꪉꪰ ꫄ꪋ ꪵꪮꪚ ꪵꪀꪉ ꪣꪳ ꪖꪳ 7 ꪣꪴ ꪥꪉꪰ ꪭꪱꪉ ꪕꪺꪙ ꪏꪉꪸ ꪁꪮꪉ ꪁꪷ ꪡꪮꪙ ꪹꪙꪉ ꪘꪉꪰ ꪠꪉꪸ ꪹꪋꪉ. ꪼꪏ ꪤꪱꪫꪹꪒꪱ ꪖꪲ ꪨꪱꪙ ꪬꪫꪸ ꪹꪊꪉ ꪻꪬ ꪭꪴ: ꪬꪱ ꪡꪮꪉ ꪕꪚꪾ ꪁꪮꪉ ꪁꪷ ꪼꪒ ꪹꪭꪙ ꪹꪋꪉ ꪋꪳ ꪢꪽ ꪀꪲ ꪜꪲ ꪣꪱ ꪵꪩꪫ ꪵꪀꪉ ꫛ ꫄ꪩꪉ ꪣꪀꪰ ꪣꪺꪙ ꪣꪱ ꪋꪙꪸ ꪚꪮꪀ ꪻꪬ ꪝꪉꪳ ꪙꪮꪉ ꪭꪮꪀ ꪎꪉꪲ ꪨꪷ ꫃ꪉ ꫄ꪐꪙ ꪯꪱ ꪚꪫꪲ.

          ꪹꪚꪱ ꪋꪳ ꪭꪀꪸ ꪚꪮꪀ ꪻꪬ ꪝꪉꪳ ꪙꪮꪉ ꪭꪮꪒ ꪎꪉꪲ ꪘꪉꪰ ꪹꪋꪉ ꪔꪫꪸ ꪭꪮꪀ ꪒꪉꪰ ꫄ꪊꪙ ꪶꪁꪙ ꪩꪱ ꪑꪉꪰ ꪚꪮꪀ ꪻꪬ ꪝꪉꪳ ꪨꪱꪙ ꪘꪉꪰ ꪝꪉꪳ ꪚꪱꪙ ꪀꪺꪉ ꪶꪠꪉ ꪭꪴ ꪕꪚꪾ ꪁꪮꪉ ,ꪵꪏ ꪏꪫꪱꪉ ,꫃ꪉ ꫄ꪐꪙ ꪯꪱ ꪚꪫꪲ ꪑꪉꪰ ꪵꪀ ꪘꪱ ꪶꪔ ꪖꪲ ꪣꪱ ꪕꪱꪉ ꪹꪉꪙ ꪩꪱꪉ ꪪꪽ ꪬꪫꪱ ꪁꪮꪉ ꪶꪀꪉ ꪼꪫ ꪔꪉꪰ ꪵꪔꪉ ꪵꪀꪉ ꪜꪀꪴ ꪋꪺꪙ ꪜꪙꪴ ꪜꪱꪙ ꪩꪱꪙ ꪘꪮꪣ ꪭꪴ ꪼꪜ ꪋꪳ ꪵꪀꪉ ꫃ꪜꪉ ꪼꪄ ꪹꪉꪙ ꪩꪱꪉ ꪪꪽ ꪬꪫꪱ ꪄꪮꪉ ꫛ ꪛꪱ ꪙꪱ. ꪹꪝ ꪼꪒ ꫃ꪉ ꫄ꪐꪙ ꪯꪱ ꪚꪫꪲ ꪭꪴ ꫃ꪬꪙ , ꪚꪮꪀ ꪎꪮꪙ ꪨꪱꪥ ꪙꪮꪉ ꪁꪷ ꪐꪽ ꪼꪒ ꪩꪺꪉ ꪭꪴ ꪋꪱꪉ ꪄꪮꪉ ꪹꪊꪱ ꪀꪱꪥ ꪝꪉꪳ ꪋꪴ ꪩꪙꪸ ꪭꪫꪱꪙ ,ꪶꪭꪥ ꪖꪲ ꪹꪏꪉ ꪙꪮꪉ ꪯꪲ ꪫꪒꪸ ꪹꪭꪉ ꪭꪮꪀ ꪎꪉꪲ ꫄ꪨꪚ 4 ꫄ꪒ ,ꪙꪮꪉ ꪯꪱ ꪪꪽ ꪖꪫꪲ ꪭꪮꪀ ꪎꪉꪲ ꫄ꪨꪚ 5 ꫃ꪏ. ꪹꪩꪙ ꪹꪏ ꪨꪷ ꪙꪮꪉ ꪮꪲ ꪖꪱꪤ ꪖꪲ ꪀꪣꪲ ꫄ꪈꪙ ꪭꪮꪀ ꪎꪉꪲ ꫄ꪨꪚ 6, ꪹꪋꪉ ꪊꪉꪴ ꪬꪮꪀ ꫄ꪀ ꫄ꪎ ꪬꪱꪣ ꪉꪲ ꪔꪚꪾ ꪼꪒ ꪠꪴ ꪁꪮꪉ 8 ꪄꪉꪰ.

          ꪹꪝ ꪣꪀꪰ ꪣꪺꪙ ꪀꪚꪾ ꪪꪽ ꪬꪫꪱ ꪁꪮꪉ ꪶꪀꪉ ꪵꪀꪉ ꪼꪫ ꪉꪸ ꪬꪀꪰ ꪵꪝꪉ ꪙꪽ ꪏꪱꪣ ꪹꪄꪱ ꪶꪢꪀ ꪹꪄꪱ ꪼꪊ ꪄꪮꪉ ꪋꪴ ꫛ , 10 ꪜꪲ ꪀꪱꪥ ꪣꪱ ꫃ꪉ ꫄ꪐꪙ ꪯꪱ ꪚꪫꪲ ꪁꪷ ꪤꪮꪣ ꪨꪱꪥ ꪥꪱꪙ ꫄ꪋ ꪎꪮꪀ ꪎꪱꪫ ,ꪈꪫꪙꪸ ꪀꪫꪲ ꪻꪫ ꪭꪴ ꪼꪒ ꪝꪉꪴ ꪄꪴ ꪶꪀꪀ ꪊꪉꪲ ꪄꪮꪉ ꪪꪽ ꪬꪫꪱ ꪁꪮꪉ ꪶꪀꪉ. ꪩꪉꪴ ꪁꪷ ꪼꪜ ꪖꪮꪥ ꪖꪱꪣ ꪘꪉꪰ ꪼꪎ ꪵꪀꪉ ꪋꪱꪉ ꪈꪾ ꪜꪙꪴ ꪮꪮꪀ ꪩꪺꪉ ꫃ꪥꪒ ꪤꪉꪸ ꪄꪮꪉ ꪹꪊꪱ. ꪝꪉꪳ ꪄꪉꪰ ꪁꪮꪉ ꪵꪜ ꪼꪒ ꪩꪉꪴ ꪎꪱꪉ ꪵꪜꪉ ꪹꪩꪱ ꫃ꪜꪙ ꪝꪉꪳ ꪄꪉꪰ ꪁꪮꪉ ꪕꪚꪾ ꪎꪉꪲ ꪣꪷ ꪎꪉꪸ ꪤꪮꪙ.

          ꪶꪒꪥ ꪀꪚꪾ ꫃ꪉ ꫄ꪐꪙ ꪯꪱ ꪚꪫꪲ ,ꪁꪷ ꪶꪀꪉ ꪨꪷ ꪶꪀꪀ ꪀꪷ ꪨꪷ ꪁꪫꪱꪣ ꪜꪎꪀ ꪮꪙꪲ ꪹꪎꪉ ꪄꪮꪉ ꫛ ꪚꪱ ꪙꪱ. ꫄ꪊ ꪣꪺꪙ ꪁꪷ ꪔꪚꪾ ꪁꪮꪉ ,꫄ꪋ ꪜꪺꪙ ꪻꪊ ꪁꪷ ꪕꪚꪾ ꪁꪮꪉ. ꫄ꪋ ꪭꪀꪰ ꪵꪝꪉ ꪮꪙꪲ ꪹꪎꪉ ꪀꪽ ,꫄ꪋ ꪹꪚꪱ ꪶꪎꪣ ꪼꪊ ꪄꪴ ꪎꪉꪰ ꪁꪷ ꪣꪲ ꪎꪉꪸ ꪁꪮꪉ ꪹꪫꪱ ꪻꪬ. ꪼꪫ ꪼꪜ ꪋꪳ ꪵꪀꪉ ꫃ꪜꪉ ꪼꪄ ꪼꪒ ꫃ꪉ ꪖꪺꪒ ꪁꪮꪉ ꪶꪀꪉ ꪼꪈ ꪀꪺꪉ ꪜꪺꪉ ꪀꪙꪲ  ꫄ꪓꪥ ꪤꪴ ꪬꪱꪉ ꪣꪳ ꪭꪳ ꪜꪴꪙ ꪜꪱꪙ ꪩꪱꪙ ꪙꪮꪣ ꫄ꪁꪙ ꪼꪒ ꪘꪀꪰ ꪵꪎꪉ ꪀꪚꪾ ꪀꪮꪉ ꪶꪀꪉ. ꪯꪽ ꪙꪲ ꪁꪷ ꪵꪣꪙ ꪄꪴ ꪜꪀꪴ ꪋꪺꪙ ꫃ꪉ ꫄ꪐꪙ ꪯꪱ ꪚꪫꪲ ꪋꪾ ꪫꪱ 60 ꪜꪲ ꪵꪩꪫ ꪁꪷ ꪣꪀꪰ ꪣꪺꪙ ꪼꪜ ꪭꪮꪒ ꪝꪉꪳ ꪹꪋꪉ ꪵꪮꪚ ,ꪚꪱꪙ ꪻꪔ ꪙꪱ ꪵꪘ ꪀꪺꪉ ꪵꪗꪉ ꪶꪠ ꪀꪮꪙ ꪕꪣꪴ ꪋꪙꪸ ꪚꪮꪀ ꪕꪚꪾ ꪁꪮꪉ ꪻꪬ ꪜꪙꪴ ꪜꪱꪙ ꪩꪱꪙ ꪘꪮꪣ.

ꪹꪩꪉ ꪬꪫꪙꪸ ꪥꪀꪲ