ꪶꪔ ꪼꪀ ꪀꪺꪉ ꪜꪺꪉ ꪀꪙꪲ ꪩꪺꪉ ꪤꪴ ꪄꪮꪉ ꪠꪴ ꪼꪕ
ꪶꪒꪥ ꪀꪚꪾ ꪠꪴ ꪼꪕ ꪵꪔꪉ ꪩꪉꪸ ꪜꪒ ꪼꪀ ꪨꪷ ꪫꪀꪸ ꪥꪒ ꪁꪙ ꪬꪱ ꪀꪺꪉ ꪹꪭꪙ ꪤꪱꪫ ꪹꪭꪙ ꪹꪚꪱ ꪣꪲ ꪜꪒ ꪼꪀ ꪘꪉꪰ ꪀꪮꪉ ꪩꪱꪉ ꪭꪳ ꪔꪳ ꪫꪱ ꪵꪣ ꪝꪱ ꪹꪭꪙ ꪹꪚꪱ ꪎꪀꪰ ꪋꪮꪉ. ꪀꪺꪉ ꪝꪉꪳ ꪣꪳ ꪣꪺꪙ ꪣꪳ ꪊꪉꪸ ꪣꪳ ꪭꪱꪥ ꪣꪳ ꪒꪲ ꪄꪮꪉ ꪚꪱꪙ ꪄꪺꪉ ꪶꪔ ꪼꪀ ꪨꪷ ꪔꪱꪉ ꪶꪔ ꪹꪚꪱ ꪹꪏꪉ ꪻꪒ ꪒꪒꪴ ꪖꪫꪸ ꪼꪒ. ꪵꪔ ꪫꪀꪸ ꪕꪱꪣ ꪐꪱ ꪹꪚꪙ ꪐꪱ ꪼꪡ ꪻꪬ ꪨꪱꪙ ꪙꪮꪥ, ꪕꪱꪣ ꪹꪭꪙ ꪎꪙ ꪚꪱꪙ ꪎꪙ ꪹꪣꪉ ꪶꪎꪉ ꪻꪝ ꪝꪮꪣ ꪼꪒ ꪣꪲ ꪶꪔ ꪼꪀ.
ꪢꪮꪥ ꪚꪮꪙ ꪢꪲ ꪢꪮꪤ ꪭꪒꪲ ꪅꪮꪉ ꪔꪮꪉ ꪋꪽ ꪩꪱꪀ ꪀꪽ ꪭꪱꪀ ꪫꪱ ꪝꪮꪣ ꪼꪒ ꪢꪴ ꪶꪔ ꪼꪀ. ꪹꪏꪉ ꪘꪉꪰ ꪭꪫꪙꪸ ꪶꪣꪀ ꪹꪊꪱ ꪔꪉꪲ ꪎꪙ ꪨꪱ ꪹꪭꪙ ꪋꪱꪥ ꪹꪮꪱ ꪶꪒꪥ ꪹꪨꪱ ꪶꪒꪥ ꪼꪀ ꪹꪣ ꪎꪷ ꪻꪝ ꪕꪱꪉ ꪹꪭꪙ ꪑꪉꪲ ꪵꪀꪉ ꪼꪒ ꪣꪲ ꪶꪔ ꪼꪀ ꫜ ꪼꪫ ꪶꪀꪉ ꪏ ꪹꪜꪱ ꪜꪴ ꪩꪱꪙ ꪁꪾ ꪀꪮꪙ ꪋ ꪔꪮꪙ ꪻꪝ.
ꪋ ꪩꪀꪴ ꪑꪉꪲ ꪹꪮꪱ ꪠꪺ ꪮꪮꪀ ꪤꪴ ꪤꪉꪸ ꪼꪕ ꪹꪭꪙ ꪕꪱꪉ ꪔꪱ ꪙꪱꪤ ꪋꪲ ꪶꪭꪣ ꪀꪽ ꪶꪔ ꪼꪀ ꪼꪫ ꪩꪀꪴ ꪼꪜ ꪹꪭꪙ ꪠꪺ ꪥꪒ ꪹꪋ ꪡꪽ. ꪠꪴ ꪢꪲ ꪭꪳ ꪻꪬ ꪨꪱꪥ ꪠꪴ ꪹꪚꪱ ꪣꪲ ꪭꪳ ꪻꪬ ꪙꪮꪥ ꪼꪜ ꪥꪒ ꪹꪋ. ꫛ ꪋꪱꪉ ꪵꪔꪉ ꪩꪉꪸ ꪕꪱꪉ ꪔꪱ ꪙꪱꪥ ꪋꪲ ꪼꪜ ꪔꪉꪰ ꪶꪩꪀ ꪼꪀ ꪻꪬ ꪻꪬ ꪢꪽ ꪶꪘꪥ ꪣꪽ ꪵꪝ. ꪩꪙꪳ ꪹꪏ ꪋ ꪕꪱꪉ ꪩꪉꪴ ꪔꪱ ꪣꪱ ꪤꪱꪣ ꪼꪒ ꪣꪲ ꪵꪨ ꪬꪺ ꪔꪙꪲ ꪼꪀ ꪶꪜꪉ ꪝꪱꪙ ꪋꪉꪰ ꪵꪣꪙ ꪭꪒꪸ ꪵꪣꪙ ꪅꪮꪉ.
ꪶꪔ ꪼꪀ ꪣꪲ ꪮꪲ ꪉꪸ ꪵꪏꪉ ꪙꪽ, ꪹꪝ ꪵꪏꪉ ꪙꪽ ꪠꪴ ꪼꪕ ꪊꪉꪰ ꪩꪉ ꪋ ꪒꪴ ꪒꪲ ꪭꪮꪒ ꪶꪔ ꪼꪀ ꪀꪺꪉ ꪜꪺꪉ ꪀꪙꪲ ꪩꪺꪉ ꪤꪴ ꪭꪱꪉ ꪣꪳ ꪄꪮꪉ ꪹꪊꪱ.
ꪹꪩꪉ ꪵꪬꪉ - ꪕꪮꪉ ꪵꪯꪉ ꪥꪀꪲ
Viết bình luận