ꪵꪁꪙ ꪹꪣꪉ ꪩꪷ

ꪵꪁꪙ ꪼꪒ ꪹꪮꪱ ꪼꪣ ꪜꪱꪫ ꪣꪱ ꪔꪒꪰ ꪭꪮꪙ ꫃ꪥꪒ ꪎꪚꪸ ꫃ꪜꪙ 2 ꪖꪽ ꪢꪮꪥ ꪖꪽ ꪣꪲ 7 ꪜꪮꪉ. ꪹꪔꪱ ꪵꪁꪙ ꪼꪒ ꪹꪮꪱ ꪼꪣ ꪊꪉꪲ ꪣꪱ ꫃ꪥꪒ ꪚꪮꪉ ꪭꪴ ꪼꪫ ꪹꪜꪱ. ꪵꪁꪙ ꪹꪜꪱ ꪼꪒ ꪵꪀꪣ ꪨꪱꪥ ꪛꪱꪥ ꪄꪚꪾ ꪛꪱꪥ ꪵꪏ ꪹꪝ ꪹꪏꪉ ꪙꪽ ꪵꪁꪙ ꫄ꪩꪉ ꫄ꪋ ꫄ꪁꪙ ꪬꪱ ꪀꪺꪉ ꪜꪺꪉ ꪀꪙꪲ ꪩꪺꪉ ꪤꪴ ꪄꪮꪉ ꪠꪴ ꪼꪕ. ꪨꪷ ꪔꪱꪉ ꪹꪋꪉ ꪄꪮꪉ ꪪꪽ ꪬꪫꪱ ꪶꪝꪙ ꪤꪮꪙ ꪄꪮꪉ ꪠꪴ ꪼꪕ ꪘꪉꪰ ꪹꪣꪉ ꪩꪷ.

          ꪵꪁꪙ ꪹꪜꪱ ꫃ꪜꪙ ꪨꪱꪥ ꪎꪉꪸ ꪨꪱꪀ ꪀꪽ ꫃ꪥꪒ ꪻꪬ ꫛ ꪡꪉꪰ ꪉꪙꪸ ꪣꪺꪙ ꪄꪙꪳ ꪶꪢꪀ ꪣꪱ ꪻꪊ. ꪼꪫ ꪎꪉꪳ ꪑꪮꪉ ꪄꪉꪰ ꪵꪁꪙ ꪹꪣ ꪋꪮꪣ ꪀꪱꪥ ꪣꪱ ꪗꪲ ꪎꪱ ꪉꪸ ꪶꪩ ꪁꪷ ꪔꪉꪰ ꪄꪉꪰ ꪵꪁꪙ ꪎꪉꪴ 2 ꪹꪖꪀ ꪩꪺꪉ ꪀꪫꪱꪉ 5 ꪹꪖꪀ ꪼꪫ ꪜꪱꪥ ꫄ꪤꪥ ꪗꪫꪸ ꪘꪉꪰ ꪕꪺꪙ ꪪꪽ ꪬꪫꪱ ꪤꪴ ꪩꪀꪲ ꪹꪣꪉ ꪩꪷ ꪜꪲ 2017. ꪄꪴ ꪶꪝꪙ ꪤꪮꪙ ꪄꪮꪉ ꪄꪉꪰ ꪵꪁꪙ ꪙꪲ ꪹꪚꪱ ꪋꪳ ꪭꪀꪸ ꪼꪫ ꪜꪱꪥ ꫄ꪚꪉ ꪵꪩ ꪨꪱ, ꪣꪽ ꪨꪷ ꪄꪉꪰ ꪹꪁꪙ ꪹꪜꪱ ꪼꪒ ꪵꪕ ꪼꪒ 5 ꫛ ꪋꪱꪉ ꪹꪜꪱ ꪝꪮꪣ ꪹꪜꪱ ꪚꪱꪒ ꪒꪫꪸ ꪀꪫꪸ ꪼꪜ ꪕꪮꪥ ꪢꪴ ꪵꪏ ꪫꪮꪉ ꪄꪮꪉ ꪭꪱꪉ ꪝꪽ ꫛ.

          ꪵꪁꪙ ꪄꪮꪉ ꪗꪲ ꪎꪱ ꪉꪸ ꪶꪩ ꪋꪮꪣ ꪼꪒ ꪶꪀꪉ ꪐꪽ ꪀꪲ ꪩꪀꪴ ꪫꪒꪸ ꪘꪱꪣ ꪁꪷ ꪹꪑꪉ ꪭꪉꪴ ꪘꪱ ꪣꪱ ꪔꪱ ꪼꪫ ꫛ ꪼꪕ ꪹꪣꪉ ꪩꪷ ꪎꪚꪳ ꪔꪱꪣ ꪋꪳ ꪬꪣꪸ ꪵꪀꪉ ꫃ꪜꪉ ꪼꪄ ꪵꪙꪙ ꪪꪽ ꪬꪫꪱ ꪅꪽ ꪋꪽ ꪄꪮꪉ ꪹꪊꪱ ꪀꪺꪉ ꪙꪽ ꪣꪲ ꪝꪉꪳ ꪔꪱꪉ ꪑꪱꪀ ꪵꪔ ꪹꪣ ꪩꪱꪉ ꪜꪱꪉ ꪹꪋꪱ ꪅꪽ ꪋꪽ ꪣꪺꪙ ꪬꪮꪣ.

                                                ꪓꪉꪲ ꪔꪺꪙ-ꪕꪮꪉ ꪵꪯꪉ ꪥꪀꪲ

Ken Mương Lo

Ken đảy dệt té 14 pỏng mạy pào tển hi xiếp té tển họt hy. Ken đảy pằn pền 2 thằn mạy, mỏi thằn mi 7 pỏng. Tảu ken đảy àu mạy chình ma bóng dệt, bóng hu vạy páu, lẹo àu phầng tà tiến tằn xìa hẳư nẻn. Ken páu đảy kèm lài bai khắp bai xe. Pưa xương nặn ken lâng chơ cận hà cuồng puồng kìn luông dú cánh vịa ỉn muôn khắp xe khòng phủ Tay. Lỏ chương khòng vằn hoá pộn dỏn khòng côn Tay nẳng Mương Lo.

Ken páu khửn pền lài xiềng lák cằn, nghin muôn khửn mốc ma chằư, dệt hẳư côn phăng báu xương đằư lưm đảy.

Vạy xừng nhọng khẳng ken, mưa chọm cài ma thị xã Nghĩa Lộ cọ tẳng khẳng ken xùng 2 thứak, luông quảng 5 thứak vạy pải giới thiệu nẳng Tuận vằn hoá dù lịch Mương Lo pì 2017. Khù pộn dỏn lỏ khẳng ken nị báu chư vạy pải dỏng lạ, măn lỏ khẳng ken páu đảy tẹ, đảy 5 côn chang páu pọm páu bát điều, kiểu pày toi mú xe vong khòng hạng păn côn.

Cắp vịa khẳng ken khòng thị xã Nghĩa Lộ chọm đảy cồng nhẳn Kỷ lục Guy nét Việt Nàm cọ nhương tứm khù hung nả ma tà vạy côn Tay Mương Lo xứp tàm chự hiềm cánh pếnh khày nen vằn hoá khặn chăn khòng chảu, cuồng nặn mi pưng tàng nhạc té mưa lang pàng chạu khặn chăn muôn hòm./.

Đinh Tuấn-Tòng Anh dịch