Pàng họp chà van ma tang vịa ép cánh bók quam pák cánh xừ khòng pi nọng chựa nọi côn

-------------

Cài lăm le nẳng pưng tỉnh Sờn Là, Hoà Bình, Lâm Đồng, Đắc Lắc hẳư hền, pi nọng chựa nọi côn cọ lâng mi lang áo ép quam pák, xừ tẻm khòng chựa côn chảu. Cuồng pưng pì cài ma, Chính phủ cọ pùn ók lài chỉa lai pháp luật tặt pủn ma tang vịa bók quam pák, xừ tẻm khòng pi nọng chựa nọi côn; xương Nghị định 82, tặt pùn pưng khù cận hà vạy bók quam pák cánh xừ tẻm khòng pi nọng chựa nọi côn cánh tạ khù ngai đì vạy văn phạo àu quam pák cánh xừ tẻm khòng pi nọg chựa nọi côn khảu bók cắp ép toi tặt pùn. Hák va, khay nị đàng đút thiếu chủm mú bók quam pák cánh xừ tẻm khòng pi nọng chựa nọi côn.

Chôm hặp pàng họp chà van, lung Trần Văn Thuỷ, Vụ phó Vụ Giáo dục dần tộc, Bộ Giáo dục đào tạo hẳư hụ:  Lằng 7 pì chấp năm Nghị định số 82, họt khay hê tổ chức đảy tứm quam pák chựa nọi côn đằư khảu bók chính cuồng trương ép. Khay nị, nọk san xay giáo bók quam Khơ me cánh quam Hoa bók xòn chuyền mồn nghiệp vụ hư phân lài pưng xay giáo bók quam pi nọng chựa nọi côn lỏ pưng xay giáo tiểu học chiên pày bók quam pi nọng chựa nọi côn. Chuyền mồn ma tang quam pák chựa nọi côn hư hák đảy xáo hà báu cọ đảy Bộ giáo dục báu cọ Sở giáo dục chiên cái, bók xòn

Vạy kẻ khày nả vịa nị, lài đại biểu va hịa, Chính phủ cánh pưng Bộ ngành nọk vịa choi dừa hẳư pưng cờ sở đào tạo cánh côn ép toi Nghị định số 82 khòng Chính phủ, cận choi dừa chương khòng, kỹ thuật, ngơn cốc hẳư chủm mú dệt nả vịa xọk xáo, tọp hòm, nghiền cứu vằn hoá chựa nọi côn, pưng côn chang bắc bòn hẳư pi nọng chựa nọi côn toi chính xừ tẻm khòng chựa côn nặn. Bộ giáo dục đào tạo mi trách nhiệm chịk bók, kiểm trà vịa bók – ép quam pá cánh xừ tẻm chựa nọi côn, uồn pa biền soạn, tẳng tánh, thẩm định chương trình, pặp sừ giáo khoa quam pák chựa nọi côn. Pưng Bộ Tài chính, Nội vụ, Uỷ bàn dần tộc pùn ók định mức biền chế, chế độ chính sách đối cắp chủm mú xay giáo.

ꪜꪱꪉ ꪭꪮꪚ ꪊꪱ ꪫꪱꪙ ꪢꪱ ꪕꪱꪉ ꪫꪀꪸ ꪚꪮꪀ - ꪵꪮꪚ ꪁꪫꪱꪣ ꪜꪱꪀ ꪵꪀꪉ ꪎꪳ ꪵꪔꪣ ꪄꪮꪉ ꪝꪲ ꪙꪮꪉ ꪹꪋ ꪙꪮꪥ ꫛ

----------------------

ꪀꪱꪥ ꪩꪾ ꪵꪩ ꪘꪉꪰ ꪝꪉꪳ ꪔꪉꪲ ꪹꪎꪷꪙ ꪨꪱ , ꪬꪋꪱ ꪚꪉꪲ, ꪹꪨꪷꪣ ꪶꪒꪉ , ꪒꪀꪰ ꪨꪀꪰ ꪻꪬ ꪹꪬꪸꪙ , ꪝꪲ ꪙꪮꪉ ꪹꪋ ꪙꪮꪥ ꫛ ꪹꪩꪷꪉ ꪣꪲ ꪨꪱꪉ ꪮꪱꪫ ꪵꪮꪚ ꪁꪫꪱꪣ ꪜꪱꪀ , ꪎꪳ ꪵꪔꪣ ꪄꪮꪉ ꪹꪋ ꫛ ꪹꪊꪱ . ꪀꪺꪈ ꪝꪉꪳ ꪜꪲ ꪀꪱꪥ ꪣꪱ , ꪊꪉꪲ ꪠꪴ ꪁꪷ ꪜꪙꪴ ꪮꪮꪀ ꪨꪱꪥ ꪊꪸ ꪩꪱꪥ ꪠꪱꪚ ꪩꪺꪒ ꪕꪒꪰ ꪜꪙꪴ ꪣꪱ ꪕꪱꪉ ꪫꪀꪸ ꪚꪮꪀ ꪁꪫꪱꪣ ꪜꪱꪀ , ꪎꪳ ꪵꪔꪣ ꪄꪮꪉ ꪝꪲ ꪙꪮꪉ ꪹꪋ ꪙꪮꪥ ꫛ : ꪹꪏꪉ ꪉꪲ ꪒꪉꪲ ꪶꪎ 82 ꪕꪒꪰ ꪜꪙꪴ ꪝꪉꪳ ꪄꪴ ꪹꪁꪷꪙ ꪬꪱ ꪼꪫ ꪚꪮꪀ ꪁꪫꪱꪣ ꪜꪱꪀ , ꪎꪳ ꪵꪔꪣ ꪄꪮꪉ ꪝꪲ ꪙꪮꪉ ꪹꪋ ꪙꪮꪥ ꫛ ꪵꪀꪉ ꪔꪱꪀ ꪄꪴ ꪉꪱꪥ ꪒꪲ ꪼꪫ ꪫꪽ ꪡꪱꪫ ꪹꪮꪱ ꪁꪫꪱꪣ ꪜꪱꪀ , ꪎꪳ ꪵꪔꪣ ꪄꪮꪉ ꪝꪲ ꪙꪮꪉ ꪹꪋ ꪙꪮꪥ ꫛ ꪹꪄꪱ ꪚꪮꪀ ꪵꪣꪙ ꪕꪮꪥ ꪕꪒꪰ ꪜꪙꪴ . ꪬꪱꪀ ꪫꪱ ꪼꪅ ꪙꪲ ꪒꪱꪉ ꪒꪒꪴ ꪖꪫꪸ ꪊꪣꪴ ꪢꪴ ꪼꪏ ꪤꪱꪫ ꪚꪮꪀ ꪁꪫꪱꪣ ꪜꪱꪀ , ꪎꪳ ꪵꪔꪣ ꪄꪮꪉ ꪝꪲ ꪙꪮꪉ ꪹꪋ ꪙꪮꪥ ꫛ.

ꪶꪋꪣ ꪭꪚꪰ ꪜꪱꪉ ꪭꪮꪚ ꪊꪱ ꪫꪱꪙ , ꪩꪉꪴ ꪹꪊꪷꪙ ꪫꪽ ꪖꪫꪲ , ꪠꪷ ꪪꪴ ꪹꪊꪉ ꪪꪴ ꪤꪱꪫ ꪥꪀꪴ ꪹꪤꪷꪙ ꪶꪕꪀ , ꪶꪛ ꪤꪱꪫ ꪥꪀꪴ ꪒꪱꪪ ꪕꪱꪫ ꪻꪬ ꪭꪴ: ꪨꪉꪽ 7 ꪜꪲ ꪹꪊꪷꪚ ꪙꪾ ꪉꪲ ꪒꪉꪲ ꪶꪎ82 , ꪭꪮꪒ ꪼꪅ ꪹꪭꪸ ꪶꪔ ꪊꪀꪳ ꪼꪒ ꪔꪣꪳ ꪅꪫꪱꪣ ꪜꪱꪀ ꪹꪋ ꪙꪮꪥ ꫛ ꪻꪒ ꪹꪄꪱ ꪚꪮꪀ ꪊꪉꪲ ꪀꪺꪉ ꪹꪊꪉ ꪵꪮꪚ . ꪼꪅ ꪙꪲ ꪙꪮꪀ ꪼꪏ ꪤꪱꪫ ꪚꪮꪀ ꪁꪫꪱꪣ ꪹꪄꪷ ꪵꪢ ꪀꪖꪈ ꪁꪫꪱꪣ ꪭꪫꪱ ꪚꪮꪀ ꪎꪮꪘ ꪊꪙꪸ ꪶꪢꪙ ꪉꪚꪸ ꪪꪴ ꪭꪳ ꪹꪡꪷꪙ ꪨꪱꪥ ꪝꪉꪳ ꪼꪏ ꪤꪱꪫ ꪚꪮꪀ ꪁꪫꪱꪣ ꪝꪲ ꪙꪮꪉ ꪹꪋ ꪙꪮꪥ ꫛ ꪨꪷ ꪝꪉꪳ ꪼꪏ ꪤꪱꪫ ꪔꪫꪸ ꪭꪮꪀ ꪊꪙꪸ ꪣꪱ ꪚꪮꪀ ꪁꪫꪱꪣ ꪜꪱꪀ , ꪎꪳ ꪵꪔꪣ ꪄꪮꪉ ꪝꪲ ꪙꪮꪉ ꪹꪋ ꪙꪮꪥ ꫛ. ꪊꪙꪸ ꪶꪢꪣ ꪢꪱ ꪕꪱꪉ ꪁꪫꪱꪣ ꪜꪱꪀ ꪹꪋ ꪙꪮꪥ ꫛ ꪭꪳ ꪬꪱꪀ ꪼꪒ ꪎꪱꪫ ꪬꪱ ꪹꪚꪱ ꪁꪷ ꪼꪒ ꪶꪚ ꪤꪱꪫ ꪥꪀꪴ , ꪹꪎꪷ ꪤꪱꪫ ꪥꪀꪴ ꪋꪙꪸ ꪀꪱꪥ ꪚꪮꪀ ꪎꪮꪙ

ꪼꪫ ꪵꪀ ꪼꪄ ꪘꪱ ꪫꪀꪸ ꪙꪲ , ꪨꪱꪥ ꪒꪱꪥ ꪚꪫꪸ ꪫꪱ ꪭꪸ, ꪊꪉꪲ ꪠꪴ ꪵꪀꪉ ꪝꪉꪳ ꪶꪚ ꪵꪈꪉ ꪹꪁꪷꪙ ꪋꪮꪥ ꪹꪤ ꪻꪬ ꪝꪉꪳ ꪹꪨꪷ ꪹꪎꪷ ꪒꪱꪫ ꪕꪱꪫ ꪵꪀꪉ ꫛ ꪵꪮꪚ ꪕꪮꪥ ꪉꪲ ꪒꪉꪲ ꪶꪎ 82 ꪄꪮꪉ ꪊꪉꪲ ꪠꪴ , ꪹꪁꪷꪙ ꪋꪮꪥ ꪹꪤ ꪹꪋꪉ ꪄꪮꪉ ꪀꪲ ꪗꪺꪒ ꪹꪉꪷꪙ ꪶꪀꪀ ꪻꪬ ꪊꪣꪴ ꪢꪴ ꪹꪥꪸꪒ ꪘꪱ ꪫꪀꪸ ꪎꪮꪀ ꪎꪱꪫ , ꪕꪮꪚ ꪬꪮꪣ , ꪈꪙꪸ ꪀꪲꪫ ꪪꪽ ꪬꪫꪱ ꪹꪋ ꪙꪮꪥ ꫛ . ꪶꪛ ꪤꪱꪫ ꪥꪀꪴ ꪣꪲ ꪵꪊꪀ ꪐꪣꪸ ꪋꪲ ꪚꪮꪀ , ꪀꪣꪸ ꪊꪱ ꪫꪀꪸ ꪚꪮꪀ ꪁꪫꪱꪣ ꪜꪱꪀ , ꪎꪳ ꪵꪔꪣ ꪄꪮꪉ ꪝꪲ ꪙꪮꪉ ꪹꪋ ꪙꪮꪥ ꫛ, ꪮꪺꪙ ꪝꪱ ꪘꪱ ꪫꪀꪸ ꪚꪙꪸ ꪎꪫꪱꪙ , ꪹꪖꪷꪣ ꪒꪉꪲ ꪹꪊꪉ ꪊꪉꪉ , ꪝꪚꪰ ꪎꪳ ꪤꪱꪫ ꪄꪫꪱ ꪁꪫꪱꪣ ꪜꪱꪀ ꪹꪋ ꪙꪮꪥ ꫛ. ꪝꪉꪳ ꪶꪛ ꪔꪱꪥ ꪊꪉꪲ, ꪶꪘꪥ ꪪꪴ , ꪮꪫꪲ ꪚꪱꪙ ꪹꪀꪷꪙ ꪶꪕꪀ ꪜꪙꪴ ꪮꪮꪀ ꪒꪉꪲ ꪢꪀꪳ ꪚꪙꪸ ꪹꪊꪸ , ꪹꪊꪸ ꪶꪒ ꪊꪉꪲ ꪵꪎꪀ ꪶꪒꪥ ꪀꪚꪰ ꪊꪣꪴ ꪢꪴ ꪼꪏ ꪤꪱꪫ.

TTT – Thành dịch