Pà xổm khòng chựa côn Tày

          Pà Trôi quam Tày khék lỏ hịa pà bàn, phân lài mi nẳng nặm huổi, nặm luồng khòng 2 xã Lục Hồn cánh Húc Động. Tàng pà nị đảy côn dần nhẳn danh lỏ tàng pà kìn chẹp cánh mi lài chất.

          Pà xổm đảy dệt té: Pà trôi, cừa, khảu rền cánh bằư uổi. Toi kinh nghiệm khòng pi nọng chựa côn Tày nẳng nị, dệt pà xổm va ék kìn chẹp hư đảy lựa pà trôi nẳng nặm luồng. Pà nị kìn nhứa nháp, hằn, kìn bàn báu cao lài.

          Lằng chơ suối pẹk, pi nọng lâng àu khằn chệt nặm xìa, hắn soi ók pền căm chọp kin. Xứp pày lỏ àu khảu xẻ tổm khửn, chơ xúc lỏ àu ók vạy dền. Khảu lỏ cận hà nhất chơ dệt pà xổm. Tựng căm pà đaỷ qua cừa xắư lẹo chắng qua khảu dền xắư. Lằng chơ qua cừa, qua khảu lẹo lỏ àu xắư òm lẹo àu bằư uổi sáư tênh, hổm xìa.

          Pày toi côn dần kìn dú nẳng nị vạy bấng le bón nặm kìn khặn chăn nẳng nị, khék mi xương đảy bấng le vịa túc pắt pà trôi, luông dệt pà xổm. Lung Nguyễn Văn Thắng, dú cá Hải Phòng cọ muôn hòm chơ đảy chực chau pọm cắp côn dần nẳng nị pày túc pắt pà ma dệt pà xổm.

           Pà xổm lỏ tàng căm kìn lâng đảy pi nọng chựa côn Tày àu ma mơi khék mỏi tưa chơ mi khék ma dàm. Chơ àu pà ók kìn pà mi màu đón, ài hòm. Tàng căm kìn cắp phắc ớ lợt, mák thúa lók khủa, chẳm mák ướt bòng.

          Phằư mi dan đảy ma póng thòng họt Bình Liêu nọk vịa xáo hụ pưng hịt khong tòng chặn khòng pi nọng nẳng nị, pi nọng nhăng  chí đảy kìn chim tàng căm kìn pà xổm hài hòm hường hương mắư./.

TTT-Huyền dịch

ꪜꪱ ꪶꪎꪣ ꪄꪮꪉ ꪹꪋ ꫛ ꪼꪔ

          ꪜꪱ ꪶꪋꪥ ꪁꪫꪱꪣ ꪼꪔ ꪑꪉꪰ ꪵꪄꪀ ꪭꪀꪸ ꪜꪱ ꪚꪱꪙ ,꫄ꪡꪙ ꪨꪱꪥ ꪣꪲ ꪙꪉꪰ ꪙꪣꪾ ꪬꪺꪥ ,ꪙꪣꪾ ꪨꪺꪉ ꪄꪮꪉ 2 ꪎꪱ ꪨꪴꪀ ꪶꪬꪙ ꪵꪀꪉ ꪬꪴꪀ ꪶꪒꪉ .ꪔꪱꪉ ꪜꪱ ꪙꪲ ꪼꪒ ꫛ ꫄ꪤꪙ ꪐꪽ ꪵꪥꪉ ꪨꪷ ꪔꪱꪉ ꪜꪱ ꪀꪙꪲ ꪵꪋꪚ ꪵꪀꪉ ꪣꪲ ꪨꪱꪥ ꫄ꪊꪒ.

          ꪜꪱ ꪶꪎꪣ ꪼꪒ ꫃ꪥꪒ ꪵꪔ: ꪜꪱ ꪶꪋꪥ ,ꪹꪀ ,ꪹꪄꪱ ꫃ꪤꪙ ꪵꪀꪉ ꪻꪚ ꪮꪺꪥ . ꪕꪮꪥ ꪀꪉꪲ ꪈꪣꪸ ꪄꪮꪉ ꪝꪲ ꪙꪮꪉ ꪹꪋ ꫛ ꪼꪔ ꪘꪉꪰ ꪘꪲ, ꫃ꪥꪒ ꪜꪱ ꪶꪎꪣ ꪫꪱ ꪵꪮ ꪀꪙꪲ ꪵꪋꪚ ꪭꪳ ꪼꪒ ꪹꪨꪀ ꪜꪱ ꪶꪋꪥ ꪘꪉꪰ ꪙꪣꪾ ꪨꪩꪉ ,ꪜꪱ ꪙꪲ ꪹꪐ ꪐꪱꪚ ꪬꪽ, ꪀꪙꪲ ꪚꪱꪙ.

          ꪨꪉꪰ ꫄ꪋ ꪎꪺꪥ ꪵꪝꪀ ꪝꪲ ꪙꪮꪉ ꪹꪮꪱ ꪄꪽ ꪣꪱ ꫃ꪋꪒ ꪎꪸ ꪬꪽ ꪏꪮꪥ ꪮꪮꪀ ꫃ꪜꪙ ꪁꪣꪾ ꪋꪮꪚ ꪀꪙꪲ. ꪎꪚꪳ ꪼꪜ ꪨꪷ ꪹꪮꪱ ꪹꪄꪱ ꪵꪎ ꪶꪔꪣ ꪄꪙꪳ ꫄ꪋ ꪎꪴꪀ ꪨꪷ ꪹꪮꪱ ꪮꪮꪀ ꪼꪫ ꫃ꪤꪙ. ꪹꪄꪱ ꪨꪷ ꫄ꪁꪙ ꪬꪱ ꫄ꪐꪒ ꫄ꪋ ꫃ꪥꪒ ꪜꪱ ꪶꪎꪣ. ꪕꪉꪳ ꪁꪣꪾ ꪜꪱ ꪼꪒ ꪁꪫꪱ ꪹꪀ ꪵꪩꪫ ꪊꪉꪰ ꪁꪫꪱ ꪹꪄꪱ ꫃ꪤꪙ ꪻꪎ. ꪨꪉꪰ ꫄ꪋ ꪁꪫꪱ ꪹꪀ ꪁꪫꪱ ꪹꪄꪱ ꪵꪩꪫ ꪨꪷ ꪹꪮꪱ ꪼꪎ ꪮꪮꪣ ꪵꪩꪫ ꪹꪮꪱ ꪼꪚ ꪮꪺꪥ ꪶꪜꪀ ꫃ꪕꪉ ꪶꪬꪣ ꪎꪸ.

          ꪼꪜ ꪕꪮꪥ ꫛ ꫄ꪤꪙ ꪀꪙꪲ ꪤꪴ ꪘꪉꪰ ꪘꪲ ꪼꪫ ꫄ꪚꪉ ꪵꪩ ꪝꪉꪳ ꪚꪮꪙ ꪙꪣꪾ ꪒꪙꪲ ꪅꪽ ꪋꪽ, ꪝꪲ ꪙꪮꪈ ꪑꪉꪰ ꪋꪲ ꪼꪒ ꫄ꪚꪉ ꪹꪩ ꪫꪀꪸ ꪔꪴꪀ ꪜꪒꪰ ꪜꪱ ꪶꪋꪥ ꪩꪺꪉ ꫃ꪥꪒ ꪜꪱ ꪶꪎꪣ ꪹꪭꪉ ꪻꪢ.

          ꪜꪱ ꪶꪎꪢ ꪨꪷ ꪔꪱꪉ ꪁꪣꪾ ꪀꪙꪲ ꫄ꪩꪉ ꪼꪒ ꪝꪲ ꪙꪮꪉ ꪹꪋ ꫛ ꪼꪔ ꪹꪮꪱ ꪣꪱ ꫄ꪣꪥ ꪵꪄꪀ ꪢꪮꪥ ꪹꪕ ꪣꪲ ꪵꪄꪀ ꪣꪱ ꪤꪱꪣ. ꫄ꪋ ꪹꪮꪱ ꪜꪱ ꪮꪮꪀ ꪀꪙꪲ ꪜꪱ ꪣꪲ ꪹꪢꪱ ꪒꪮꪙ ,ꪮꪱꪥ ꪬꪮꪣ. ꪜꪱ ꪶꪎꪣ ꪼꪒ ꪀꪙꪲ ꪀꪚꪷ ꪒꪀꪰ ꫄ꪯ ꫄ꪩꪒ ,ꪢꪱꪀ ꪖꪺ ꪩꪮꪀ ,ꪊꪣꪾ ꪢꪱꪀ ꪹꪮꪒ ꪚꪮꪉ.

          ꪻꪠ ꪣꪸ ꪥꪱꪙ ꪼꪒ ꪢꪱ ꪜꪮꪉ ꪖꪮꪉ ꪭꪮꪒ ꪚꪉꪲ ꪩꪫꪸ ꪙꪮꪀ ꪫꪀꪸ ꪎꪱꪪ ꪭꪴ ꪝꪭꪳ ꪭꪲꪒ ꪅꪮꪉ ꪔꪮꪈ ꪋꪽ ꪄꪮꪈ ꪝꪲ ꪙꪮꪉ ꪘꪉꪰ ꪘꪲ, ꪝꪲ ꪙꪮꪉ ꪑꪉꪰ ꪋꪲ ꪼꪒ ꪀꪙꪲ ꪋꪣꪲ ꪔꪱꪈ ꪁꪣꪾ ꪀꪙꪲ ꪵꪋꪚ ꪜꪱ ꪶꪎꪣ ꪮꪱꪥ ꪬꪮꪣ ꪹꪭꪉ ꪻꪢ.