A ngiâ um Pôa Hồ Chí Minh Kăn xiâm hnê ngăn tơnêi têa hneăng hdrối,  Khu kăn hiăng  mơhno hiâm mơno pâ pá kâi tối, nhoăm hnoăng ‘no kân kĭn dêi pôa ƀă tơdroăng rêh ối dêi kăch măng dêi Đảng ƀă hdroâng mơngế pin. Pôa hiăng pleăng hnoăng tơná plâ rơxông ăm kuăn pơlê, ăm tơnêi têa, chông djâ Đảng pin, kuăn pơlê pin plâ ƀlêi trâng. Rơvíu reăng dêi Khu kăn ai chêh chư: ‘’ Đi đo pâ mơnê hnoăng Hồ Chí Minh Kăn xiâm hnê ngăn tơnêi têa ki rơkê. “Sap nah troh ta ah tơnêi têa đi đo chôu pâ  tơdroăng klăng 11chôu 30phut hâi lơ 30/4/1975 drêng hlá cờ kăch măng kơneăng a kuâ Dinh Độc lập- Xiâm ki mơ’nui cho tíu pêi cheăng dêi mâu kăn Sài Gòn. Ing mê, peăng Hdroh tơnêi têa châ tơleăng lĕm, tơnêi têa Việt Nam tơrŭm môi sap kơnhóng troh peăng hdroh.

Tơbâ 49 hơnăm klêi kơ’nâi hâi châ tơleăng lĕm, Việt Nam ing môi tơnêi têa kơtiê, hiăng tơkâ luâ tơdroăng pá puât, pơloăng mơnúa, chôa tơplâ châ ƀlêi trâng kâ,  chiâng môi tung mâu tơnêi têa tung khu mâu kong têa mơnhông tơƀrê tung kơpong ƀă lâp plâi tơnêi.