Tơbleăng a rôh trâm mâ, pôa Tô Lâm tối, mâu tơdroăng hnê tối dêi kuăn pơlê xuân tối mâu tơdroăng ki kân, tá hiâm mơno, tối khât tro todroăng ƀă mơhno hnoăng cheăng pêi dêi tơná ƀă tơnêi têa; tối tơdroăng púi vâ khât dêi kuăn pơlê, kum kơ koan tơnêi têa ngăn hlo hên troăng, tŭm tâi tâng, achê ƀă tơdroăng rêh ối a pơlê cheăm ƀă teăm tơbleăng mâu troăng rơhlâ vâ pêi mơnhông cheăng kâ-rêh ối, mơdêk pêi tơƀrê tơniăn tơdroăng rêh ối pơlê pơla ăm rêm râ kuăn pơlê.

Ƀă tơdroăng kuăn pơlê pâ thế dêi Kuô̆k hô̆i, Chin phuh pơtối tơmâng khât troh tơdroăng tŏng kum tung rêh ối pơlê pơla, ƀaoh hiêm khăm pơlât, pơkeăng khăm pơlât,  pôa Tô Lâm  tối: Luât pơkâ tŏng kum tung rêh ối đi đo châ Đảng ƀă Tơnêi têa tơmâng hnê mơhno thế pêi pro, malối ‘na tơdroăng khăm pơlât.