A rôh pêi cheăng, kong pơlê Dak Lak hiăng tối hên tơdroăng xơpá drêng tơbleăng pêi péa tơdroăng tơkêa bro troăng kân xiâm: troăng kân Hồ Chí Minh, troăng ki ví Peăng mâ hâi lo Ƀuôn Ma Thuột ƀă Troăng kân tơdrăng lĕm Khánh Hòa - Ƀuôn Ma Thuột. Pôa Phạm Ngọc Nghị, Kăn xiâm hnê ngăn Vi ƀan kuăn pơlê kong pơlê Dak Lak tối tơdroăng xôi tơná a ngiâ Khu xiâm ngăn troăng prôk rơxế kơtâu xua mâu tơdroăng tơkêa bro troăng prôk ki xiâm mê pro hrá klêi.
Kăn xiâm hnê ngăn Vi ƀan kuăn pơlê kong pơlê Dak Lak tối hlo môi tiah ví hnoăng cheăng tơná, xâu hnoăng cheăng pêi dêi mâu kơvâ cheăng kong pơlê. Tối mơgêi hâi pêi cheăng, pôa Lê Anh Tuấn, Ngế xiâm phŏ ngăn troăng prôk rơxế kơtâu pơkâ thế kong pơlê Dak Lak tơmâng khât tâ nếo troh tơdroăng tơbleăng pêi tơdroăng tơkêa pro troăng prôk ki xiâm, malối cho tơdroăng ‘mâi xĕn gu tơbăng tơnêi tíu mơjiâng pro chêl thiăn liăn ăm kuăn pơlê vâ rĕng mơjiâng pro. Pơla kố kong hiăng vâ mêi, tíu vâ mơjiâng pro thăm kal rĕng pro tâ.
Viết bình luận