A rôh hôp, mâu kăn hiăng tơpui, veăng tối nhên tơrêm tơdroăng tung Kơxop hlá mơéa Luât, tung mê tơkŭm pêi pro nhên mâu chơ chêh, ki châ xúa tá hâi tro tơtro lơ tá hâi tŭm; ‘mot tơ’nôm pro rế tro tâ mâu tơdroăng ki kal ki tá hâi nhên tung kơxop hlá mơéa Luât. Jâ Tô Thị Tâm, Kăn hnê ngăn Khu ngăn vâi kơdrâi kong pơlê Dak Lak mơnhên tối: mâu rơkong ki tơpui tối dêi mâu kăn hiăng tơkŭm pêi pro nhên tâ hên tơdroăng ki kal hiăng châ tối tung kơxop hlá mơéa Luât, môi tiah: kal rak vế tơdâng tơ’mô pơla kơnốu ƀă kơdrâi, tơmâng ngăn troh tơdroăng ki tơtro troh mâu vâi kơdrâi, vâi hdrêng kơdrâi.

Hnoăng cheăng tŏng xo, tơdah xo, rak vế, tŏng kum mâu ngế ki xơpá, mâu ngế ki dế tung pơla mơnhên cho ngế ki xơpá kal athế teăm tŏng kum tơdrêng, tro. Kal hbrâ mơdât tơdrêng hlối ing mâu kơvâ cheăng ki tơ’lêi tro pro pơxúa ăm dêi tơná vâ roê tê mơngế, môi tiah: ôm hyô, lăm pêi cheăng a kong têa ê, bro kuăn roăng, xo pơkoăng ngế kong têa ê ƀă hên tơdroăng ki ê.