Hdrối mê, a hneăng hôp kố, Chin phuh hiăng tơbleăng tơdroăng pêi pro pơkâ mơnhông cheăng kâ – rêh ối pơlê pơla mâu khế apoăng hơnăm 2024. Pơtối mê, sap apoăng hơnăm 2024 troh nôkố, tơdroăng lâp plâi tơnêi pơtối ôh tá tơniăn, ôh tá ‘nâi tối hdrối hên pá puât, pơloăng mơnúa tâ.

Ki nhên, kơlo tơtêk GDP pái khế apoăng hơnăm 2024 mơhé hiăng tơtêk laga tá hâi vêh tơniăn môi tiah ki kal vâ, tá hâi tŭm vâ mơjiâng mâu troăng mơnhông ăm mơnhông krá tơniăn ƀă tá hâi chiâng kum tơnêi têa pin hluăn tơdroăng ki tơ’lêi tro kơdro pêi lo liăn tơdâng. Tơdroăng pêt mơjiâng, tê mơdró dêi khu tê mơdró ối hên pá puât; kơxô̆ khu tê mơdró ton tơrôu lo ing kơchơ mơdró hên tâ khu tê mơdró mot ƀă vêh mot tung kơchơ mơdró.

Hdrối mê, tơpui tơno a tôh, mâu rơkong tơpui kăn teăng mâ tối tơtêk pái khế apoăng hơnăm 2024 cho hôm khât, pơkâ thế tơ’nôm tơdroăng pro tơtêk hơnăm 2024 hên tâ vâ ai troăng pêi, troăng hơlâ pơkuâ tơtro ƀă tơdroăng mơnhông ƀă tơdroăng nôkố pơkâ mơ’no.