Kong pơlê Ninh Bình cho kong pơlê ối a peăng hdroh tơbăng kroăng Hồng, ai tíu ki kal tá ‘na kal kí, cheăng kâ ƀă cheăng lêng – gâk kring; cho bo peăng hdroh dêi kơpong peăng kơnhŏng. Ngế pro xiâm hnê ngăn tơnêi têa tối nhên, pơkâ pêi tâi tâng ‘na pơkâ pro kong pơlê cho troh hơnăm 2030, Ninh Bình cho kong pơlê ki hôm.

Troh hơnăm 2035, kong pơlê Ninh Bình chiâng pơlê kong kơdrâm ối tung khu ki xiâm, khu ki kal ƀă ki phá tơ-ê tíu kơdrâm kuăn pơlê rêh ối mơdró ai tơmeăm kơnía ton hơnăm, pơlê tơmiât pêi rơkê; môi tíu xiâm pơxiâm pơhlêh nếo pêi cheăng rơkâ. Vâ pêi pro mâu pơkâ mê Ngế pro xiâm hnê ngăn tơnêi têa pơkâ, kong pơlê Ninh Bình kal tơtrŏng, tơkŭm pêi pro mơhnhôk ƀă xúa châ tơƀrê rêm kơxô̆ liăn, châ tơƀrê tung mâu tơdroăng pêi tơtêk nếo môi tiah cheăng kâ krúa lĕm, cheăng kâ xúa kŏng ngê̆, cheăng kâ tơtêk đi đo, cheăng kâ kum dêi pó, cheăng kâ tuăn ngôa rơkê, hbrâ ví kong prâi hơ’lêh, mơnhông krá tơniăn.