Mơgêi roh hôp, Ngế pro xiâm phŏ hnê ngăn tơnêi têa pơkâ Khu xiâm mơjiâng tơmeăm khoăng tơrŭm ƀă Khu xiâm liăn ngân, Hngêi arak liăn Tơnêi têa... hriăn plĕng troăng mơhnhôk, xúa kơxô̆ liăn ăm mơjiâng hngêi ối pơlê pơla môi tuăn sap apoăng troh tá tui lui, tơkŭm.

Tung mê kơxô̆ liăn ngân Tơnêi têa cho ki xiâm, rơtế ƀă kơxô̆ liăn veăng tơlo vâ mơjiâng hngêi ối pơlê pơla ing mâu khu mơ’no liăn cheăng tơdroăng tơkêa bro hngêi ối tê mơdró ƀă mâu kơxô̆ liăn pơlê pơla ki ê, ôh tá lôi tơdroăng ki hngăm ăm mâu hngêi arak liăn tê mơdró drêng veăng mâu kơxô̆ liăn ăm mung kơjo ăm hngêi ối pơlê pơla.

Pơkâ kal ai tơ’nôm mâu pơkâ djâ troăng hơlâ ƀă tơdroăng ki ton xŏn ‘na pơkâ pêi, xing xoăng tơnêi tung mơjiâng tíu kơdrâm kuăn pơlê rêh ối tê mơdró, thôn pơlê, ‘măn liăn ngân Tơnêi têa hlối tơdjêp ƀă mâu kơxô̆ liăn ki ê ăm maua tơdroăng tơkêa bro hngêi ối pơlê pơla.