Hdrối mê, kơxê hâi lơ 6/5, pôa Phạm Minh Chính, Ngế pro xiâm hnê ngăn Chin phuh, jâ Trương Thị Mai Ngế cheăng tung khu kăn Đảng ƀă mâu kăn xiâm, mâu kăn pơkuâ hnê ngăn Đảng, Tơnêi têa hiăng troh ‘măn rơvĭng reăng, chôu nhang tơbâ mâu ngế ai hnoăng xua tơplâ a ilâng kiâ ‘mế mâu ngế hlâ ai hnoăng Tơnêi têa A1 a kong pơlê Điện Biên. Pôa Nguyễn Phú Trọng - Kăn xiâm pơkuâ hnê ngăn Đảng hiăng pơtroh rơvĭng reăng vâ tơbâ mâu ngế hlâ ai hnoăng tơplâ. Rơvĭng reăng dêi mâu kăn xiâm, mâu kăn Đảng, Tơnêi têa ƀă mâu tơdroăng cheăng xiâm chêh nhên “Đi đo pâ mâu ngế hlâ ai hnoăng tơplâ”, mơhno hiâm mơno mơnê khât dêi tơnêi têa, dêi kuăn pơlê troh mâu ngế hlâ xua tơplâ khên tơnôu hiăng ôh tá mơjo mơheăm chá tơná, tơplâ troh hlâ xua vâ pro tơniăn Tơnêi têa.
Xuân tung kong xê hâi lơ 6/5, a Tíu tơbâ mơngế hlâ ai hnoăng a tíu tơplâ Điện Biên Phủ, Khu kăn xiâm pơkuâ hnê ngăn Đảng lêng xiâm tơnêi têa, Khu xiâm pơkuâ ngăn lêng xua Đại tướng Phan Văn Giang, Ngế xiâm pơkuâ ngăn lêng hiăng troh chôu nhang, tơbâ mâu ngế hlâ tơplâ khên tơnôu a ilâng kiâ Điện Biên.
Viết bình luận