Tơpui pơxiâm po, pôa Nguyễn Văn Hùng, Ngế xiâm ngăn Túa lĕm tro Tơ’noăng ivá ƀă Ôm hyô hiăng mơdoh chôu hơ’muăn tối 70 hơnăm Ƀlêi trâng Điện Biên Phủ ôu eăng. Ing mê tối nhên troăng hơlâ tơplâ tơtro, rơkê dêi Đảng ‘na túa lĕm tro, tơplâ ‘na rak vế tơnêi têa ƀă mơdêk khât hiâm mơno pâ nhuô̆m tơnêi têa, hbrâ rơnáu hlâ rêh xua Tơnêi têa tá hdroâng mơngế Việt Nam khên tơnôu. Tơdroăng ngê̆ thuât kố ton ai 90 phut ƀă 3 tơdroăng, mê cho: Tâi tâng kuăn pơlê lo lăm tơplâ; Tơdroăng hơdruê chal 20; ƀă Tíu tơhrâ hơniâp lĕm.
Ing mê, mơhno trâu ó khât ‘na ki kơnía, ki rơdêi dêi ƀlêi trâng “khên tơnôu pơtăm kơpong, tơdrôu lâp plâi tơnêi”. Tơdroăng kố ối xúa kong ngê̆ ki rơkê nôkố, kơchuâ tâ tâng ‘na tơdroăng tơplâ Điện Biên Phủ, djâ troh tơdroăng ki hmái hơtĭng a tíu tơplâ ki ó hơnăm ki mê nah.
Tơdroăng ngê̆ thuât ki tơviah “Điện Biên Phủ - Rôh hdró ki kơnía tung tơdroăng ton nah”.
Viết bình luận