Tung tơdroăng ki ‘mâi htĭng, mâu kăn hiăng pleăng reăng, têk nhăng, kon ko tơná chôu pâ mơnê, mơhno hiâm mno mơnê ó khât ƀă hnoăng ki kân dêi mâu vâi ngoh mố đô̆i ki hlâ xua tơplâ, hlâ rêh xua tơdroăng tơplâ tơleăng lĕm hdroâng mơngế, pro tơnêi têa tơrŭm chiâng môi. Klêi leh têk nhăng, pleăng reăng, kăn pơkuâ kong pơlê Dak Lak rơtế ƀă mâu khu lêng kring vế ƀă hên hĭn mâu kuăn pơlê hiăng têk nhăng a mâu tơnâp mâu mố đô̆i.

Pôa Nguyễn Quang Thuân, kăn phŏ ngăn pê cheăng pêi mố đô̆i tro rong ƀă rêh ối pơlê pơla kong pơlê Dak Lak ăm ‘nâ, tơdroăng ki lăm pôu ilâng kiâ mố đô̆i tung mâu hâi leh kân hiăng chiâng tơdroăng tiah hmâ ki lĕm, mơhno tơdroăng ôu têa pâ kơnhŏng dê khu kăn pơkuâ kong pơlê ƀă kuăn pơlê tung lâp kong pơlê.