Hên tơdroăng veăng hnê tối tơdroăng Kuô̆k hô̆i ‘mâi hơ’lêh tơ’nôm mâu tơdroăng luât tung mâu hơnăm hdrối hiăng veăng pro tơ’lêi hlâu ăm mâu khu mơdró mơnhông tơƀrê. Laga, tung tơdroăng pêi pro, xuân hiăng ai mâu tơdroăng pá, tơvâ tơvân, mê cho: Khu mơdró vâ ‘no liăn cheăng thế ai troăng rơhlâ xúa tơnêi tiô pơkâ hdró, la troh nôkố ki hên tơnêi a Tây Nguyên ai xiâm tơnêi ing tơnêi pêi chiâk loăng kong ki hâi ai hlá mơ-éa pơkâ hnê mơhno ‘na yă ăm mâu khu ‘no liăn mơjiâng pro, ƀă hnê tối pro troăng rơhlâ ki vâ xúa tơnêi.
A rôh trâm mâ kuăn pơlê xuân pâ thế hên tơdroăng ki tơdjâk troh mơnhông cheăng kâ rêh ối dêi Dak Lak tối krê ƀă lâp tơnêi têa tối tơdjuôm môi tiah pơkâ mơnhông pro troăng kân tơdrăng lĕm, pơkâ hdrối mơnhông cheăng păn chêm pơlêng, pơ’lêh tơdroăng cheăng ai kơxô̆ liăn veăng tơlo ƀă mâu kŏng ti ngăn pêi chiâk deăng loăng kong ƀă hía hé.
Viết bình luận