Kong tô mơdrăng kăng khoăng ton hâi nôkố dế pro hên mâu ƀăng kong a kong pơlê Kon Tum thế đi đo hbrâ rơnáu xua tơ’lêi tro on chếo kong. A kong pơlê hiăng ai mâu rôh on chếo kong pro 2 ngế hlâ. Nôkố kuăn pơlê, ngế pơkuâ rak kong, mâu khu râ kơvâ cheăng a Kon Tum dế mơ-eăm hbrâ mơdât on chếo kong. Tơdroăng ăm ‘nâi ing Khu xiâm rak ngăn kong Kon Tum ăm hlo, nôkố hiăng ai 8/10 to tơring, pơlê kong kơdrâm dêi kong pơlê tung inâi tơbleăng hbrâ rơnáu tơ’lêi tro on chếo râ má 5 - râ ki rơ-iô má môi.

A mâu tơring peăng mâ hâi lu dêi kong pơlê, mê cho: tơring Ia H’Drai, Sa Thầy, Đăk Tô, Ngọc Hồi ai vâ chê 230.000ha kong tơ’lêi tro on chếo. Khu rak ngăn loăng kong Kon Tum ăm ‘nâi, tơdrêng ƀă hbrâ mơdât on chếo kong, Vi ƀan kong pơlê hiăng pê klêi mâu pơkâ vâ môi tuăn tung hbrâ mơdât on chếo.

Hlo kong tô ó hlối ton hâi tơ’lêi tro on chếo kong, kuăn pơlê, mâu ngế pơkuâ kong, khu râ pơkuâ cheăng ƀă mâu kăn rêm râ dêi Kong pơlê Kon Tum dế hbrâ rơnáu vâ mơdât on chếo kong.