Tung hơnăm hdrối, VOV Tây Nguyên ƀă Khu xiâm pơkuâ ngăn lêng kong pơlê Dak Lak hiăng tơrŭm krá tung tơdroăng hnê tối. Đại tă Trần Minh trọng, Chính ủy Khu xiâm pơkuâ ngăn lêng kong pơlê Dak Lak khĕn kơdeăn hnoăng cheăng pêi ki kal tung hnê mơhno pêi pro tơniăn kring gak  cheăng lêng.

Tơdroăng kĭ tơhrâ vâ mơdêk ki tơƀrê tơrŭm cheăng tối ăm ‘nâi mâu tơdroăng, hnê tối teăm tơdrêng, tro nhên tơƀrê tơdroăng cheăng lêng, ‘na kring gak mơjiâng khu lêng rơdêi, tơdroăng cheăng khu lêng kong pơlê Dak Lak tung mơjiâng ƀă kring vế Tơnêi têa tung mâu troăng rơhlâ hnê tối dêi Rơ’jiu xiâm Việt Nam; khĕn kơdeăn, pơ-eăng ƀă po rơdâ mâu pú hên, mâu ngế pêi cheăng rơkê kơhnâ, veăng tơbleăng lâp lu um méa ki lĕm dêi mâu lêng Mố đô̆i Pôa Hồ” tung rơxông nếo.