Veăng leh mơhnhôk ai 500 ngế kăn teăng mâ mâu Khu xiâm, kơvâ cheăng, kơ koan: kăn teăng mâ mâu mau Khu xiâm, kơvâ cheăng, kơ koan; teăng mâ mâu kong pơlê, grup, mơngế pêi cheăng, sinh viên hngêi trung hriâm cheăng pêi. Khế pêi pro tơniăn krúa pêi cheăng hơnăm 2024 kô po sap hâi lơ 1/5 troh hâi lơ 31/5/2024 tung lâp tơnêi têa ƀă pơxá: “ Mơdêk tơniăn krúa tung pêi cheăng a tíu pêi cheăng ƀă tung tơdroăng pêi pro” ƀă Khế Kŏng nhân 2024 pơxá: “” Tơrŭm môi tuăn dêi rơpó mâu Kŏng nhân- Tơbleăng pêi tơdroăng Pơkâ’’.

Tơbleăng a leh mơhnhôk, pôa Nguyễn Đình Khang, Kăn hnê ngăn Tổng Liên đoân  pêi cheăng Việt Nam  tối, mơnhông cheăng kâ krá tơniăn  thế rơtế ƀă pro tơniăn ăm mơngế châ pêi pro tung tơdroăng tơniăn, krúa pêi cheăng, tơmâng khât troh tơdropăng cheăng kê rêh ối, tuăn ngôa, cho tơdroăng pơkâ tơdjuôm tung mơnhông krá tơniăn ton ƀă hlối tơrŭm cheăng ƀă mâu kong têa tung lâp plâi tơnêi.