A kố Kăn xiâm pơkuâ hnê ngăn Đảng ƀă Khu kăn pêi cheăng hiăng troh pchôu nhang tơbâ mâu ngế hlâ khên tơnôu a Tói meăn um tơbâ mâu ngế hlâ ai hnoăng, lăm pôu hbru tơmeăm ăm mâu kăn ƀô̆ mâu lêng Trạm Radar 27 ƀă pơkuâ  pêi cheăng ƀă khu ngăn Đảng tơring Bạch long Vĩ.

Tối  chuăn Bặch Long Vĩ ai hnoăng cho xiâm pế kế kâ, môi tíu séa ngăn kring tơniăn a têa kơxĭ ki má môi cho kơpong têa kơxĭ Bạch Long Vĩ cho môi tung 8 tíu tơnăng ká ki kân dêi Vịnh Bắc Bộ, hê̆ sinh thái ƀă ki tơ’lêi hlâu dêi Bạch Long Vĩ, pơlê kong kơdrâm ƀă tơring kal tơmiât ‘na pơkâ ƀă túa pêi cheăng i nhên vâ tơring chuăn chiâng tíu xiâm tê mơdró kế kâ ‘na cheăng tơnăng ká, mơnhông păn tơnăng ká xi xŏng ƀă tơ’mot hên tơmối troh ôm hyô, môi tiah tơdroăng pơkâ dêi Khu xiâm kal kí.

‘Na tơdroăng cheăng tung la ngiâ, Kăn xiâm pơkuâ hnê ngăn Đảng pơkâ thế, kal pơkâ tro kơpong cheăng kâ ƀă kơpong ngăn nhâ loăng kuăn kiâ vâ ai troăng ‘no liăn cheăng pêi tơdrêng ‘na tơmeăm khoăng on tơhrik, troăng prôk, hyôh phôn, mâu tơmeăm khoăng ‘na cheăng păn tơnăng ká, mơdât hyôh kong prâi hơ’lêh, têa kơxik tâk đik, tíu ví khía mơhot kân, tơniăn tơrŭm krá ƀă mơnhông cheăng kâ - rêh ối, rơtế mơnhông cheăng lêng kring gak tơniăn.