Rơtế veăng sôk ro ƀă kuăn pơlê kơpong 8 tung hâi leh tâi tâng tơrŭm môi tuăn hdroâng mơngế, pôa Phạm Minh Chính, Ngế pro xiâm hnê ngăn tơnêi têa teăng mâ kăn xiâm Đảng, Tơnêi têa, pơtroh tâi tâng kuăn pơlê rơkong koh ki hmâ, rơkong kơ-êng ki hmâ ƀă rơkong rơkâu ki lĕm má môi. Ngế pro xiâm hnê ngăn tơnêi têa púi vâ ƀă loi khât, kuăn pơlê khu 8 ƀă kong pơlê Lạng Sơn pơtối rak ki môi tuăn dêi rơpó tung tơrêm kơphô̆, pơlê kân, tơring, kong pơlê, lâp tơnêi têa ƀă lâp plâi tơnêi ƀă mâu tơmeăm ki ăm hlo nhên.

Tơdrêng amê cho pêi tro tơrŭm cheăng “Đảng pơkuâ, Tơnêi têa rak ngăn, kuăn pơlê pro xiâm”, mơdêk “hơ’lêh nếo tơƀrê, hriăn plĕng vâ troh hơngế, tơrŭm rế pôk, tơrŭm môi tuăn ai tơ’nôm ibá rơdêi’’, pê klêi tâi tâng mâu pơkâ, tơdroăng cheăng hơnăm 2024, pro xiâm ki vâ krá kak mơnhông rĕng, krá tơniăn ton tung la ngiâ, tơdroăng rêh ối tơmeăm khoăng, tuăn ngôa kuăn pơlê hơnăm kơ’nâi hên tâ hơnăm hdrối.