Kăn xiâm hnê ngăn Kuô̆k hô̆i tối nhên, Việt Nam đi đo chôu vế tơrŭm ƀă môi tuăn ‘na hiâm mơno, tơdroăng tơrŭm dêi Đảng ƀă tơnêi têa Cuba ăm Việt Nam tung rôh tơplâ tơleăng lĕm hdroâng mơngế ƀă pro tơnêi têa tơrŭm chiâng môi hdrối nah, xuân môi tiah tung hnoăng cheăng mơjiâng, mơnhông tơnêi têa hâi kố; tối tiah kố cho tơrŭm cheăng ki tơviah pơla Việt Nam ƀă Cuba.

Tung hneăng pêi cheăng dêi tơná Kăn teăng mâ hiăng ai mâu ivá veăng gum kơhnâ, pro kông tơdjêp ki kal ăm tơrŭm cheăng pơla péa tơnêi têa; tối loi tơngah maluâ ối tíu ki lâi Kăn teăng mâ xuân ối pơtối veăng gum kơhnâ tung tơdroăng mơdêk tơrŭm cheăng tơrŭm tơroâ, tơrŭm tơviah, djâ troăng ahdrối môi hiâm mơno pơla Việt Nam ƀă Cuba.