A pơlê kong xiâm Bắc Kinh, pôa Phan Đình Trạc ƀă Khu râ kăn hiăng trâm mâ tơpui tơno ƀă pôa Lý Hy, Kăn pơkuâ hnê ngăn Vi ƀan séa ngăn Kheăn hôu Khu xiâm Đảng Kŏng san Sinuâ; tơpui tơno ƀă pôa Trần Văn Thanh, Kăn pơkuâ hnê ngăn Vi ƀan pơkuâ ‘na luât Khu xiâm Đảng Kŏng san Sinuâ; pêi cheăng ƀă Khu râ kăn pơkuâ Vi ƀan séa ngăn kheăn hôu Tơnêi têa, Vi ƀan séa ngăn Tơnêi têa Sinuâ.

A mâu roh trâm mâ khu râ kăn xiâm, Khu râ kăn pơkuâ péa pâ tối rơdêi ki kơnâ kal khât dêi mâu roh lăm pôu pêi cheăng pơla péa pâ dêi Khu râ kăn pơkuâ kân má môi péa Đảng, péa tơnêi têa, mê achê kố cho roh lăm pôu pêi cheăng kong têa Sinuâ cho châ tơƀrê dêi pôa Tô Lâm; Kăn xiâm pơkuâ hnê ngăn Đảng; kheăn kơdeăn mâu tơdroăng mơnhông ki kal, păng ‘nâng, tâi tâng dêi tơrŭm péa Đảng, péa tơnêi têa tung mâu kơvâ, ki má lối cho trâm mâ tơpui tơno khu râ kăn xiâm rak đi đo, tơrŭm cheăng kâ, tê mơdró ƀă mơ’no liăn cheăng tơtêk hên, tơrŭm ôm hyô ƀă trâm mâ kuăn pơlê kơdrâm phiu ro, mơdêk tơrŭm cheăng pơla Việt Nam – Sinuâ mơnhông to a râ a ‘ngêi nếo.