Rôh lăm pôu kong têa Peru ƀă veăng Măng tĭng leh mâu kăn xiâm Hneăng hôp tơrŭm cheăng kâ châu Á - Thái Bình Dương (APEC) 2024, kơxo hâi lơ 13/11 tiô chôu Việt Nam, a pơlê kong xiâm Lima,  pôa Lương Cường, Kăn xiâm hnê ngăn tơnêi têa lăm  pôu pêi cheăng ƀă Kŏng Viettel  Peru (Bitel), tơrŭm ƀă khu mơdró dêi grup cheăng kơmăi kơmok - Hyôh  phôn lêng (Viettel) a Peru.

Tơbleăng a rôh pêi cheăng, pôa Lương Cường, Kăn xiâm hnê ngăn tơnêi têa tối nhên, ing hnoăng pơkuâ, hnê mơhno dêi mâu Đảng lêng xiâm, Khu xiâm pơkuâ ngăn lêng ƀă đi đo, trâm mâ cho Đảng ủy, Khu pơkuâ ngăn Viettel, kăn ƀô̆, mâu ngế pêi cheăng, Bitel hiăng pơtối rak hiâm tuăn pêi cheăng lĕm dêi  “Mố đô̆i Pôa Hồ’’, hriĕn rơkê, khên tơnôu, rŭm môi tuăn, tơkâ luâ tơdroăng pá pơloăng mơnúa vâ tăng troăng mâu troăng hriĕn plĕng ki nếo, phá tơ ê, kum Bitel hiăng chôa mơhno ki rơdêi tơná ƀă dế pêi cheăng krá kak “tuăn hngêng” a Mih Latinh.

Kăn xiâm hnê ngăn tơnêi têa tối tiah kố blêi trâng dêi Bitel ăm hlo tơmeăm khoăng ƀă tuăn rôa rơkê dêi Việt Nam kô kâi vâ mơnhông rơdâ troh lăm plâi tơnêi, tơbriêt oh tá pơrah tung mâu kơchơ tê mơdró lâp plâi tơnêi.