Jâ Võ Thị Ánh Xuân - Kăn xiâm phŏ hnê ngăn tơnêi têa đi đo nhoăm mơnhông mơdêk tơrŭm cheăng hên kơvâ cheăng ƀă Thụy Điển, tơtro ƀă tơmeăm khoăng ai hlâu, ki rơdêi ƀă tơdroăng púi vâ dêi rêm tơnêi têa. Péa pâ vâ môi tuăn tiah kố péa tơnêi têa kal tăng ‘nâi plĕng tro tâ nếo tơmeăm khoăng ki rơdêi dế péa pâ, mơdêk tơrŭm tơƀrê, ki khât, rơtế ai pơxúa, tối ki kal dêi tơrŭm cheăng péa Kuô̆k hô̆i tung tâi tâng tơrŭm cheăng pơla péa pâ, môi tuăn mơdêk tơpui tơno tâi tâng kăn hnê ngăn Kuô̆k hô̆i ƀă mâu Vi ƀan hmâ pơkuâ cheăng dêi Kuô̆k hô̆i péa pâ.

Tơpui ‘na mâu tơdroăng tung kơpong ƀă lâp plâi tơnêi ki péa pâ rơtế ‘nâi plĕng, péa pâ vâ môi tuăn mơdêk tơrŭm ƀă kum dêi rơpó a mâu hneăng hôp vâ mơdêk tơleăng mơnhên mâu tơdroăng tơplâ, tơbriât dêi rơpó ƀă hên troăng  hôp tơpui hơniâp lĕm ing tơdroăng nhoăm Luât dêi khu lâp kong têa ƀă luât lâp plâi tơnêi; mơnhông tê mơdró tơniăn, mơnhông krá tơniăn ƀă hơniâp tung lâp plâi tơnêi.