Xông tơpui pơxiâm po roh hôp, pôa Trần Thanh Mẫn, Kăn xiâm hnê ngăn Kuô̆k hô̆i tối nhên, kố cho roh ki kal ing hên tơdroăng xiâm tơpui vâ tơmâng xo, tiâ tối mâu tơdroăng tơkêa bro luât châ Kuô̆k hô̆i tơpui tơno a tôh ƀă hngêi hôp kân xuân môi tiah mâu luât tối hdrối kô tơbleăng a Hneăng hôp má Tơheăm, Kuô̆k hô̆i hneăng má 15.

Kăn xiâm hnê ngăn Kuô̆k hô̆i tối ăm ‘nâi, Hneăng hôp má Tơheăm hiăng pêi pro châ 2/3 chôu ƀă dế ai tiô tro pơkâ pơhlêh nếo, teăm tơdrêng, tah lôi pá puât, tơvâ tơvân, tíu ki kreăng, tăng mơngế, tơkŭm rơdêi ăm tơdroăng mơnhông cheăng kâ – rêh ối pơlê pơla. Hneăng hôp roh kố, pôa Tô Lâm, Kăn xiâm pơkuâ hnê ngăn Đảng ƀă Kăn xiâm hnê ngăn Kuô̆k hô̆i hiăng ai ƀai xông tơpui pơxiâm po, tung mê tối nhên pơkâ pơhlêh nếo ‘na mơjiâng luât, châ mâu kăn teăng mâ Kuô̆k hô̆i môi tuăn hên.