A roh tơpui tơno, Péa pâ mơnhên tơdroăng ki khŏm mơ-eăm dêi péa tơnêi têa tung mê tơdroăng mơdêk tơrŭm cheăng pơla péa pâ to a râ a’ngêi nếo.

Tiô hiâm mơno mê, péa Kăn xiâm pơkuâ môi tuăn kal pơtối tơkŭm mơdêk tơrŭm cheăng tung mâu kơvâ péa pâ ai tơmeăm mơnhông rơdêi ƀă rơtế tơmâng môi tiah cheăng kâ – tê mơdró – mơ’no liăn cheăng; pro tơ’lêi hlâu ăm pơlê pơla khu tê mơdró péa tơnêi têa thăm tơpui tơno, tơrŭm tê mơdró vâ mơdêk pêi lo liăn pơla péa pâ tơxâng ƀă tơmeăm ki ai hlâu péa tơnêi têa; thăm tơrŭm cheăng, tơrŭm ƀă tŏng gum dêi pó a mâu khu tơrŭm lâp plâi tơnêi, hôp tơpui tơno hên pâ ƀă mâu kơpong.

Xuân tung roh lăm pôu pêi cheăng kố, Kăn xiâm pơkuâ kong têa Peru hiăng diâp Me dái ‘’Mâ hâi Peru’’ râ Đăi thâ̆p tư̆ ăm pôa Lương Cường, Kăn xiâm hnê ngăn tơnêi têa.