Tung 2 hơnăm 2024 ƀă 2025, Lâm Đồng pêi pro xut 1.972 toăng hngêi pơtân, hngêi xiê kơchoh kum rơpŏng kơtiê, rơpŏng vâ chê kơtiê tung kong pơlê. Tung mê, 1.580 toăng hngêi nếo ƀă 392 toăng rơnêu bro, ƀă tâi tâng kơxô̆ liăn 88,8 rơtal liăn. Krê hơnăm 2024, Lâm Đồng châ pơkâ xut lối 1.000 toăng hngêi pơchân, hngêi xi kơchoh kum rơpŏng kơtiê ƀă vâ chê kơtiê, tung mê mơjiâng nếo 840 toăng hngêi ƀă rơnêi bro 166 toăng hngêi.

Tiô pôa Phạm S, Kăn phŏ hnê ngăn Vi ƀan kong pơlê Lâm Đồng, troh nôkố, tơdroăng tơdjuôm ivá xut tah hngêi pơtân, hngêi xiê kơdroh dêi kong pơlê Lâm Đồng hiăng tơdah châ tơdroăng môi tuăn dêi hên khu tơrŭm cheăng, ngế krê, khu tê mơdró veăng tơlo, ƀă kơxô̆ liăn tơdah châ lối 45 rơtal liăn. Ƀă kơxô̆ liăn kố kô tơniăn pêi pro tơdroăng xut hngêi pơtân, hngêi xiê kơchoh tung hơnăm kố tiô tro pơkâ mơ’no.