Tung kơthô pơtroh mê Kăn hnê ngăn Vi ƀan kuăn pơlê kong pơlê Quảng Ninh; Khu hnê mơhno cheăng dêi tơnêi têa ‘na hbrâ ví xía vâ kong prâi pro ôh tá tơniăn ƀă mâu khu xiâm kơvâ cheăng tơdjâk troh. Tiô tối tơbleăng rĕng dêi Ƀơrô Khu pơkuâ hbrâ ví xía kong prâi ôh tá tơniăn ƀă tŏng xo mâu mơngế ƀă hbrâ rơnáu dêi kong pơlê Quảng Ninh, kơxo hâi lơ 25/4, a kroăng Chanh dêi pơlê kong krâm Quảng Yên, kong pơlê Quảng Ninh hiăng trâm xía vâ plong krăm, pro 4 ngế hía (2 ngế chiâng klê hiăng klê troh a kĭng).
Ngế pro xiâm hnê ngăn Chin phuh pơtroh rơkong kơ-êng hơlêm sĭng khéa troh nôu pâ nhŏng o rơpŏng ai ngế hiá, trâm xía vâ hlối pơkâ thế Kăn hnê ngăn Vi ƀan kuăn pơlê kong pơlê Quảng Ninh ƀă mâu kơ koan tơdjâk troh pơtối hnê mơhno, tơbleăng tơdroăng pêi pro vâ tơkâ luâ xơpá, tơkŭm pêi mâu tơdroăng klêi kơ’nâi: Pơtối mơhnhôk mâu ngế, rơxế plong tuk ki kal vâ tơkŭm tăng mâu ngế ki hía ƀă thâ pêi pro, teăm tơdrêng hlối.
Kăn xiâm hnê ngăn Vi ƀan kuăn pơlê kong pơlê Quảng Ninh hnê mơhno kơ koan khu râ pơkuâ cheăng rĕng mơnhên, séa ngăn nhên xiâm tơdroăng trâm xía vâ, mơnhên hnoăng cheăng vâ teăm rơnêu ƀă tơleăng mơnhên mâu tơdroăng ki xôi (tâng ai) tro tiô pơkâ dêi Luât.
Viết bình luận