Ing mê, hên mâu kăn tơpui vâ môi tuăn ƀă tối tơdroăng ki hâk vâ khât ƀă tơdroăng ki môi tuăn khât ƀă tơdroăng ki kal ƀă kơxop mơ-éa luât hơnăm 2013. Tơdroăng ki châ hên vâi vâ ƀă veăng tơpui tối hên dêi mâu kăn pơkâ a khoăn 5 troăng 1 kơxop Pơkâ ‘mâi pơhlêh ‘mot tơ’nôm khoan 2 Troăng 115 dêi luât hơnăm 2023: Tah lôi mâu rơkong tơpui tối dêi mâu kăn Hô̆i đong hnê ngăn kong pơlê ƀă Kăn pơkuâ hngêi tơleăng kuăn pơlê, Viê̆n trưởng Viê̆n arak luât kuăn pơlê.

Ƀă kơxop mơ-éa luât tơrŭm kăn pơkuâ kong pơlê ‘mâi pơhlêh, mâu kăn môi tuăn ƀă hên tơdroăng kal dêi kơxop mơ-éa luât, la tối tiah kố, kal pơtối séa ngăn, ‘mâi pơhlêh mâu pơkâ ‘na hnoăng cheăng, hnoăng pơkuâ dêi Hô̆i đong hnê ngăn, Vi ƀan hnê ngăn, kăn hnê ngăn Vi ƀan vâ pêi pro nhên tâ troăng hơlâ mơdêk rơdêi xoăng râ, xoăng hnoăng, rak vế tơdroăng xoăng tiô túa tơtro hnoăng cheăng, hnoăng pơkuâ dêi kăn pơkuâ kong pơlê râ kong pơlê, râ cheăm.