Tơpui tơno ƀă vâ chê 350 ngế a Tơdroăng trâm mâ, khê̆n kơdeăn Ngế ki chêh hlá tơbeăng kơhnâ rơkê koh hâk tơbâ 100 hơnăm Hâi Hlá tơbeăng kăch măng Việt Nam, pôa Nguyễn Đức Tuy, phŏ kăn hnê ngăn cheăng Đảng Kon Tum ăm ‘nâi, râ đảng, khu kăn pơkuâ rêm râ ƀă tá khu pơkuâ tơdroăng kal kí dêi kong pơlê dế mơdêk rơdêi pêi pro klâ xoăng kơ koan cheăng ƀă mơjiâng túa pơkâ khu kăn pơkuâ kong pơlê 2 râ.

Ƀă ki xiâm cho ăm kong pơlê mơnhông ngiât, krá tơniăn, rĕng ƀă tŭm têk, Khu pơkuâ ngăn Đảng đi đo ngăn hlá tơbeăng cho khu ki kal tung mơjiâng tơdroăng loi pơlê pơla, pro tơdroăng túa lĕm tro, tơbleăng tro tơdroăng, pơkâ troăng tơmiât pêi troh kuăn pơlê kơhnâ; pơkuâ kong pơlê kô đi đo tơmâng, tối, pro tơ’lêi hlâu má môi vâ hlá tơbeăng pêi pro hnoăng cheăng kân khât dêi tơná.