Tơdrêng ƀă plâ ƀlêi trâng Điện Biên Phủ, Tơhrâ Geneve châ  kĭ a hâi lơ 21/7/1954 hiăng klêi rôh tơplâ xâ Pơhlăng dêi kuăn pơlê Việt Nam, pro xiâm mơhnhôk djâ plâ pro tơleăng lĕm hdroâng mơngế tung lâp tơnêi têa. Tung ƀai pơchuât a hâi leh, pôa Bùi Thanh Sơn, Ngế xiâm tơpui kâ tối nhên, hneăng hôp Geneva cho môi hneăng hôp lâp plâi tơnêi hên troăng ki kân apoăng dêi Việt Nam veăng hôp tơdrêng dêi mâu kăn xiâm mâu kong têa.

Ƀlêi trâng dêi Việt Nam a hneăng Hôp Geneva pơxiâm ing troăng rơhlâ kăch măng ki tro ƀă hnoăng pơkuâ hnê djâ rơkê dêi Đảng ƀă Pôa Hồ Chí Minh - Kăn xiâm hnê ngăn tơnêi têa ki apoăng; ing tơdroăng púi vâ hơniâp lĕm, troăng hơlâ pâ nhoăm tơnêi têa tơplâ khên tơnôu rơtế tuăn tơmiât rơkê ƀă môi tuăn dêi rơpó mâu hdroâng mơngế Việt Nam.