Tung dâng 2 măng tĭng hdrối, péa pái hâi, mâu mố đô̆i, kŏng an ki ai đông a cheăm tơring chơ têa kum ăm kuăn pơlê vâ kuăn pơlê ai têa ôu kâ roh jiếo. Mâu cheăm tơkăng kong dêi tơring Ea Súp cho a kơpong tôu téa má môi dêi kong pơlê Dak Lak. Rêm hơnăm a rơnó tô mơdrăng ó hlo ai tơdroăng ôh tá ai têa, la hơnăm kố tơdroăng ôh tá ai têa rĕng tâ ƀă hlối ó tâ há.

Sap klêi Têt Lo hơnăm nếo, mâu mố đô̆i, kŏng an ki pro đông akố hiăng chơ têa kum ăm kuăn pơlê ki khăng khoăng tá ai têa. Thiê̆u tă Đoàn Huy Tưởng, Kŏng an cheăm Ea R’Vê, tơring Ea Súp , kong pơlê Dak Lak ăm ‘nâi, rêm hâi mâu thôn pơlê, kô po ngăn inâi mâu rơpŏng ki ôh tá ai têa. Klêi mê , Kŏng an cheăm pơkâ hâi ki tơtro ƀă mâu khu cheăng kâ dêi lêng  737 (Kuân khu 5), pơ’lêh dêi rơpó chơ têa krúa ăm kuăn pơlê.