Kơxo lơ 3/2, pôa Phạm Minh Chính, Ngế pro xiâm hnê ngăn Chin phuh hiăng veăng hôp tối tơbleăng hnê mơhno Hneăng hôp mơdêk pêi cheăng xúa tơmeăm tung tơnêi têa ƀă po rơdâ tê kế tơmeăm ăm kong têa ê hơnăm 2023. Vâ veăng ‘no hnoăng pêi châ tơƀrê, tâi tâng mâu pơkâ mơnhông cheăng kâ-rêh ối hơnăm 2023 hiăng pơkâ, Khu xiâm ngăn tê mơdró tơkŭm tơbleăng mâu tơdroăng cheăng môi tiah tơbleăng tơdrêng, tơƀrê Tơdroăng pêi pro dêi kơvâ cheăng ngăn ‘na tê mơdró pêi pro tiô pơkâ kơxô̆ 01/NQ - CP dêi Chin phuh; pơtối pêi tơƀrê Tơdroăng ‘mâi mơnhông cheăng kâ, tăng liăn ngân ‘no mơjiâng tơmeăm khoăng tơnêi têa, ngăn nhên tơdroăng cheăng pêi, tah ki xơpá vâ rĕng châ xúa mâu tơmeăm mơjiâng pro ki kal mê.
A hneăng hôp pôa Phạm Minh Chính pơkâ thế, mâu kăn tơkŭm tơpui tơdroăng mơnhông cheăng kâ, tơbleăng pêi tơƀrê tăng tíu tê mơdró tung tơnêi , mơdêk tê mơdró kâ, tơdjêp tăng tíu vâ rôe tơmeăm, po rơdâ tíu tê ăm kong têa ê; mơdêk pêi pro tê mơdró tăng cheăng pêi ăm kuăn pơlê ki pêi cheăng.
Viết bình luận