VOV4.Bahnar - Tơdrong tơroi “Bia Kial” kơ hơdrung Êđê ‘noh tơroi găh tơdrong lăng ba, tơdrong ‘mêm kơ eng dih băl, tơgŭm djru dih băl kơ rim bơngai lơ̆m ŭnh hnam rim ‘măng tơƀơ̆p tơdrong au to lơ̆m hơrih sa. Tơdrong tơroi au jei tơbăt hăm jơhngơ̆m đon hơpơi ‘meh vă lơ̆m tơdrong hơrih sa, tơdrong tơhưch, hơnŭk hơnoa mưh rơih đei hơkăn, klo, pơjing ŭnh om chom gŏ păng hơdrin yak hloh tơnap tap, tơdrong long kơ tơdrong hơrih sa vă tơchă đei tơdrong trŏ lăp lơ̆m ‘mêm kơ eng dih băl.

VOV4.Bahnar - Tơdrong tơroi kră sơ̆ “Bia H’ Pia, H’ Lúi hăm rôih bri” kơ hơdrung Jrai ‘noh tơdrong tơroi kră sơ̆ đei hơnăn đe ư hơnhang ang hơnhăk hloh lơ̆m apŭng Sông Hinh, dêh char Phú Yên tơnglăng hăm dêh char Dak Lăk. Tơdrong tơroi găh ƀar ‘nu pơmai oh H’ Pia, H’ Lúi mơti mơtĕk, ‘mêm kơ eng dih băl, ‘lơ̆ng hơ iă hloh lơ̆m tơring pơm ăn lơ tơdăm ‘meh vă sŏng mĭnh hla sa mĭnh kơđŏng. Mă lei ưh kơ pŭn ai, oh  H’ Lúi tă iŏk oei mĭnh ‘nu bơngai tơtông klĕ chư̆ kơnê̆ răm kơ Yang rôp pơm ăn jing rôih tơpuh oei tơ̆ char gơmar vei lăng năng tông bri kông Ea Ly truh tơ̆ Phước Sơn păng truh po đơ̆ng rŏng đei tơdrong lôch răm.

VOV4.Bahnar - Tơdrong tơroi kră sơ̆ “Tơdrong kon yang tơmo” kơ bơngai M’nông ‘noh tơroi găh bơngai hơdruh ‘lơ̆ng klă klang rang kơ đak rak kơ hla kơ yang tơmo đei klo akăn ƀok yă kră krŭt ưh kơ đei kon hơ ‘lơ̆p pơm kon mŏm mă lei oei ưh kơ truh troch hăm klo akăn ƀokj yă. Tơdromg tơroi au tơroi tơbăt jơhngơ̆m đon hơpơi ‘meh vă đơ̆ng kră sơ̆ adoi nhen hrei au, mưh đĭ đei ŭnh om ‘nŏh kăl đei kon hơ ‘lơ̆p kơna tơdrong hơrih sa mă chhôk ‘nă păng hơnŭk hơnoa hăm dôm mŭk drăm bơ̆n jang đei.

VOV4.Bahnar - Tơdrong tơroi kră sơ̆ “Tơdăm dơnuh” kơ hơdrung Xơdang ‘noh mĭnh tơdrong tơroi găh tơbăt jơhngơ̆m đon hơpơi ‘meh vă yak hloh dơnuh hin, tơnap tap, tơdrong long lơ̆m hơrih sa vă twochă đei tơdrong hơrih sa hơnŭk hơnoa ăn kơ dih.         

VOV4.Bahnar - Lơ̆m tơdrong tơroi hơ ‘mon kơ bơngai Ê Đê, kiĕk đei roi tơƀôh tôch kơ lơ nhen thoi tơdrong hơ ‘mon H’Bia Tô Ngô tơroi kơ 1 pơlei jing kiĕk yua đơ̆ng sŏng sa ƀơm mơ̆h yang. Tơdrong pơsĭ thong đak Êa H’leo tơroi kơ tơdăm Y Rít kơ tang nuih mơng tơblăh hŭt kiĕk pơh tŏ kơ̆l dŏng đei pơlei pơla. Tơdăm Y Rít hlôi tơgŭm ăn kon pơlei hơlŭng hrŏng vă pơlôch kiĕk brŏk phă pơlei pơla. Mă loi, tơdrong tơroi Tơ Dăm Boh Kneh păng kiĕk pơm bơngai tôch kơ hơiă.

VOV4.Bahnar

VOV4.Bahnar

VOV4.Bahnar

VOV4.Bahnar - Tơdrong tơroi kră sơ̆ “Pêng ‘nu tơdăm nuih mơng” kơ hơdrung Bahnar tơroi găh mĭnh ‘nu bơngai mĕ jang mir, nhă hê̆ đak yang păng hơnhơl đei pêng ‘nu kon drŏ nglo pran jăng vei lăng năng tông păng tơ iung pơjing pơlei pơla. Tơdrong tơroi au pôk pơ ư jơhngơ̆m đon nuih mơng, pran kơtang păng tơgoăt tơgoăl dih băl kơjăp iăp kơtang kơ kră sơ̆. Hlŏh đơ̆ng tơdrong tơroi au, jei tơƀôh tơbăt hơdăh tơm a la chă kơ bơngai Tây Nguyên, bơngai Yuăn păng bơngai Lào ‘noh pêng ‘nu ‘nhŏng oh pôm mĕ ƀă.

VOV4.Bahnar - Tơdrong tơroi kră sơ̆ “Nơ̆r hơri” ‘nŏh tơdrong tơroi kră sơ̆ kơ hơdrung Jrai, tơroi găh bơngai hơ ioh đei tơdrong gơ̆h hơgei tôch kơ chrih, iŏk tơdrong hơri vă tơgŭm ăn kon pơlei đei tơdrong hơrih sa sơđơ̆ng dơ̆ng kơjăp, hơnŭk hơnoa, ƀơ̆r hơri jrăng rơrăo nhen lĕ kiao tơhlu rơngơp chhơp jơhngơ̆m ‘nŏh hlôi tơgŭm ăn kon pơlei pơrăm kĕ ayăt vă tơblăh pơjei, vei lăng kon pơlei rơngei hiôk hian, ‘lơ̆ng liĕm.