VOV4.Bahnar - Tơdrong tơroi kră sơ̆ “Tơdrong kon yang tơmo” kơ bơngai M’nông ‘noh tơroi găh bơngai hơdruh ‘lơ̆ng klă klang rang kơ đak rak kơ hla kơ yang tơmo đei klo akăn ƀok yă kră krŭt ưh kơ đei kon hơ ‘lơ̆p pơm kon mŏm mă lei oei ưh kơ truh troch hăm klo akăn ƀokj yă. Tơdromg tơroi au tơroi tơbăt jơhngơ̆m đon hơpơi ‘meh vă đơ̆ng kră sơ̆ adoi nhen hrei au, mưh đĭ đei ŭnh om ‘nŏh kăl đei kon hơ ‘lơ̆p kơna tơdrong hơrih sa mă chhôk ‘nă păng hơnŭk hơnoa hăm dôm mŭk drăm bơ̆n jang đei.

VOV4.Bahnar - Tơdrong tơroi kră sơ̆ “Tơdăm dơnuh” kơ hơdrung Xơdang ‘noh mĭnh tơdrong tơroi găh tơbăt jơhngơ̆m đon hơpơi ‘meh vă yak hloh dơnuh hin, tơnap tap, tơdrong long lơ̆m hơrih sa vă twochă đei tơdrong hơrih sa hơnŭk hơnoa ăn kơ dih.         

VOV4.Bahnar - Lơ̆m tơdrong tơroi hơ ‘mon kơ bơngai Ê Đê, kiĕk đei roi tơƀôh tôch kơ lơ nhen thoi tơdrong hơ ‘mon H’Bia Tô Ngô tơroi kơ 1 pơlei jing kiĕk yua đơ̆ng sŏng sa ƀơm mơ̆h yang. Tơdrong pơsĭ thong đak Êa H’leo tơroi kơ tơdăm Y Rít kơ tang nuih mơng tơblăh hŭt kiĕk pơh tŏ kơ̆l dŏng đei pơlei pơla. Tơdăm Y Rít hlôi tơgŭm ăn kon pơlei hơlŭng hrŏng vă pơlôch kiĕk brŏk phă pơlei pơla. Mă loi, tơdrong tơroi Tơ Dăm Boh Kneh păng kiĕk pơm bơngai tôch kơ hơiă.

VOV4.Bahnar

VOV4.Bahnar

VOV4.Bahnar

VOV4.Bahnar - Tơdrong tơroi kră sơ̆ “Pêng ‘nu tơdăm nuih mơng” kơ hơdrung Bahnar tơroi găh mĭnh ‘nu bơngai mĕ jang mir, nhă hê̆ đak yang păng hơnhơl đei pêng ‘nu kon drŏ nglo pran jăng vei lăng năng tông păng tơ iung pơjing pơlei pơla. Tơdrong tơroi au pôk pơ ư jơhngơ̆m đon nuih mơng, pran kơtang păng tơgoăt tơgoăl dih băl kơjăp iăp kơtang kơ kră sơ̆. Hlŏh đơ̆ng tơdrong tơroi au, jei tơƀôh tơbăt hơdăh tơm a la chă kơ bơngai Tây Nguyên, bơngai Yuăn păng bơngai Lào ‘noh pêng ‘nu ‘nhŏng oh pôm mĕ ƀă.

VOV4.Bahnar - Tơdrong tơroi kră sơ̆ “Nơ̆r hơri” ‘nŏh tơdrong tơroi kră sơ̆ kơ hơdrung Jrai, tơroi găh bơngai hơ ioh đei tơdrong gơ̆h hơgei tôch kơ chrih, iŏk tơdrong hơri vă tơgŭm ăn kon pơlei đei tơdrong hơrih sa sơđơ̆ng dơ̆ng kơjăp, hơnŭk hơnoa, ƀơ̆r hơri jrăng rơrăo nhen lĕ kiao tơhlu rơngơp chhơp jơhngơ̆m ‘nŏh hlôi tơgŭm ăn kon pơlei pơrăm kĕ ayăt vă tơblăh pơjei, vei lăng kon pơlei rơngei hiôk hian, ‘lơ̆ng liĕm.

VOV4.Bahnar - Tơdrong tơroi kră sơ̆ “A Tin” kơ hơdrung Xơdang tơroi găh tơdrong hơrih sa mơmat tat kơ bơngai tơdăm mơti mơtĕk mă lei đei jơhngơ̆m đon ‘lơ̆ng, gơ̆h găt băt ‘mêm kơ eng kơ đe. Tơdrong hơrih sa hơnŭk hơnoa jei truh hăm sw, đơ̆ng rŏng lơ tơdrong long lơ̆m hơrih sa.

VOV4.Bahnar - Tơdrong tơroi kră sơ̆ “Tơdăm Nhŭng” kơ hơdrung Jrai tơroi găh tơdăm tih păh jăl tơkhăl păh lăp, mơsêh pơm hê̆ jing nhŭng. Hăp vei kơpô tơnăp, hăp chă hơngoang pơgap, rôp đei rôih rôih yŏng ngăl pơrăm ƀa hơƀo kon pơlei. Đei bia kon pơtao iŏk pơm klo, đei pơtao hôn bơnê gơ̆h hơgei păng tơdăm nhŭng hơrih sa tơƀĕ dang dŏng tơƀŏng dang dan hăm hơkăn sư mĭnh ‘nu bơngai hơdruh ‘lơ̆ng klă klang rang kơđak atŭm hăm kon pơlei pơla oei sa gơ̆h găt băt ‘mêm kơ eng dih băl.