Ka 1:. Quốc hội brei tapa rilo Hukum, Sarak ngak brei cambaih laih Hukum negar thun 2013.

Thun 2014, Quốc hội brei tapa 29 Hukum piah ngak pasiam jang adat hukum, ngak brei cambaih laih dom asal kadha di Hukum negar thun 2013 ka bruk padang bộ máy Nhà nước; khik caga saong peih ngak quyền anek menuac, dom quyền và nghĩa vụ di bol bhap rahra. Quốc hội jeng brei tapa 13 Sarak praong.

Ka 3. Khang hatai khik caga khang kajap độc lập, chủ quyền, toàn vẹn taneh ia, palei negar.

Dalam labaih dua bilan, meng harei 01/5  tal harei 15/7/2014, Trung Quốc padang suan hukum giàn khoan Hải Dương 981 dalam bhum tasik di Việt Nam, vi phạm Công ước Liên Hợp Quốc ka hukum Tasik thun 1982. Pak di labik nan saong tui jalan đấu tranh ngoại giao, đấu tranh công luận saong đấu tranh pháp lý, Việt Nam khang hatai pandar Trung Quốc ba giàn khoan tabiak truh bhum tasik Việt Nam, khang hatai khik caga chủ quyền tasik, pulao di taneh ia.

Ka 5. Nyom roya pakat negar  Mặt trận negar Việt Nam mbang ka VIII.

Nyom roya hu ba tabiak jalan ngak dalam nhiệm kỳ 2014-2019 lac pataom tame salih bharau khang bruk ngak saong jalan ngak, patagok pren khang jum pataombangsa, peih ngak siam bruk lambaok, khik caga quyền saong kein laba di bhap bini, patagok dân chủ, peih bruk pasang iek saong phản biện xã hội, kham merat hu mbaok tame padang Đảng, karja khang kajap, rik daong ka bruk cakrok patagok kinh tế - xã hội.

Ka 7. salkih bahrau khang dalam gah pato megru.

Peih ngak sarak Trung ương 8 (khóa XI) ka bruk “Salih bahrau praong saong abih janih di gah pato megru”, gah pato megru hu ba tabiak rilo Đề án, rilo danak dak salih bahrau yau : peih sa mbang pakacah Trung học phổ thông pakat negar tui jalan “2 dalam 1”: gam pilih ruah brei angan lac tamat Trung học phổ thông, gam iek tui nan piah pilih ruah tame Đại học, Cao đẳng; salih bahrau danak dak tapuk pato bac saong salih bahrau jalan taong yaom anek saih tiểu học.

Ka 9. Y học Việt Nam hu bước tiến dalam bruk ghép tạng.

Hadei di labaih 20 thun blac raih ghép tạng, mbang camewreip dalam thun ini, sang iek ruak 103 (Học viện Quân y) ngak hu bruk ghép đa tạng thận saong tuỵ sa mbang haong gauk. Sang iek ruak Trung ương Huế pagam  tim nhân tạo meteh baoh mbang camereip ka urang ruak di Việt Nam. Jak jeng ini brei mboh trình độ y học di Việt Nam dak harei dak glaong, peih tabiak jalan diuk ka dom urang njauk ruak kan kandah.

Ka 2. Lạm phát hu pacang cakak, kinh tế vĩ mô tani tanat pambuak haong bruk rami ramik veik kinh tế; pasiam bruk đầu tư, ngak mbang pablei salih saong peih tabiak dom jalan ngak bahrau.

Taong abih pandap ngak tabiak dalam taneh ia (GDP) tagok 5,98%. Tanut yaom blei pandar (CPI) tagok jang 4%, biar di abih kuhria dalam 10 thun tapa. Bruk rami ramik veik đầu tư công, rami ramik veik dom tổ chức tín dụng, rami ramik veik doanh nghiệp karja saong rami ramik veik bruk ngak nong pambuak pagam haong bruk padang ngak palei pala bahrau hu jhul khang.

Ka 4. Pahadar 70 thun harei padang bol bala bhap bini Việt Nam saong 60 thun jayak Điện Biên Phủ.

Dalam taneh ia hu rah tabiak rilo bruk ngak pahadar 2 kadha praong ini, dalam nan hu bruk mít tinh pakat karja hu peih tabiak di Hà Nội saong ban sit Điện Biên Phủ. Tapa nan ngak brei patagok jang hatai tự tôn, tự hào ka sajarah hào hùng di taneh ia, pakhang pakajap jang hatai jia saong pren khang di bangsa dalam bruk salih bahrau, dak padang saong khik caga taneh ia tui bruk pan akaok ba jalan di Đảng

Ka 6. Việt Nam hu gac 2 inem krung ilamu dunya.

Harei 23/6, dom labik mekre hu angan di Tràng An (tỉnh Ninh Bình) hu Ủy ban inem krung dunya di Liên Hợp Quốc (UNESCO) vak angan tame dom angan “Inem krung dunya”. Patui di nan, harei 27/11, UNESCO pok angan Dân ca Ví, Giặm di Việt Nam lac “Inem krung ilamu phi vật thể lambaok ka menuac sia dunya”, patagok dom inem krung ilamu phi vật thể di Việt Nam hu UNESCO công nhận tagok tal 9.

Ka 8. Brei thau saong mbang camereip peih harei “Khoa học saong Công nghệ Việt Nam” 18/5.

Harei “Khoa học saong Công nghệ Việt Nam” hu quy định dalam Hukum Khoa học saong Công nghệ, hu peih ngak yaok thun piah pok meyaom dom urang ilamu saong dom jak jeng di khoa học - công nghệ, pathau khan, brei thau tri thức khoa học; paglaong akaok sahneng saong pamedeih tagok hatai tự hào ka akaok sahneng Việt Nam, bruk takre ngak bruk dalam bhap bini, abih di nyu nan lac dalam dam dara urang daok ranaih Việt Nam.

Ka 10. Đảng, Karja daok jhul khang bruk mesruh pacang caga tham nhũng; patagok kỷ luật, kỷ cương.

Rilo urang njauk kết án dalam dom vụ án tham nhũng praong, abih di nyu nan lac dalam gah jien padai, gilang pariak. Nguyễn Đức Kiên, Huỳnh Thị Huyền Như saong rilo urang karei njauk dom hình phạt biak khang. Ủy ban Kiểm tra Đảng dom pakat jeng hu pasang iek, xử lý kỷ luật Đảng dom urang jakar, urang đảng viên daok ngak bruk atau padeih hưu kayua dom bruk ngak suan khang. Bruk khang hatai di Đảng, Karja hu daong jhuk kadun likuk bruk tham nhũng, ba mai hatai jia dalam bhap bini./.