70 năm Quốc hội Việt Nam đổi mới, đồng bào Chăm gửi trọn niềm tin

70 Quoc Hoi Viet Nam, bhapbini Cam ba abih hatai jia

Harei 6 bilan 1 thun 1946, lac harei pilih ruah QH akok mereip di bangsa drei bo daok lac mbang akaok mereip brei thau quyen ngak po jeng ye brei mboh trach nhiem saong danh du di urang dalam sa taneh ia doc tap, tu do. Tapa 70 thun ngak bruk, 13 khóa QH, yaok rabau urang QH hu cử tri pilih ruah, dalam nan hu rilo urang bangsa Cam. Hadah mbaok hu tame ngak urang QH, dom urang QH lac urang Cam tuk halei jeng ba abih hatung hatian, pren yava rik daong ka bruk salih barau taneh ia. Ai Nghiem urang vai di rayo sap ndom VN daok di ban ban raya hu kadha vak brei thau ka dom urang QH lac urang Cam  daok di tinh Binh Thuan, daa mikva saong grauk yut tui pang :

Dom thun tapa, Quốc hội taneh ia drei mek hu rilo jak jeng praong, dalam nan hu gam bruk lập pháp, pasang iek saong quyết định dom bruk praong di taneh ia. Tapa nan nyu brei mboh hatai ngak bruk hu trach nhiem, salih barau saong dak harei dak paglaong chat luong, bruk ngak hu di QH, di urang QH. Thun 2015, "27 hukum, 24 Sarak hu brei tapa saong 25 dự án hukum karei hu brei panuac dalam mbang nyaom ka 9 saong ka 10 Quốc hội mbang 13". Ini lac bruk ngak hu praong dalam bruk lập pháp piah ba Hukum negar thun 2013 tame raidiuk, rik daong pasiam thể chế, khik caga bruk thống nhất, sumu gauk di hệ thống hukum, pabak bruk patagok taneh ia dalam tukvak barau.

Thun 2015, mbang akaok mereip Quốc hội peih bruk tangi sua saong javap calei tangi sua ngan saong bruk hu mbaok ginup dom urang dalam rajaei saong jeng lac mbang camereip akaok Quốc hội Nguyễn Sinh Hùng javap calei tangi sua. Bruk salih barau ini hu cử tri taong yaom glaong kayua lac tapa nan, dom bruk “pandiak” di dom mintri, nganh, puk palei hu ba tabiak saong tapa nan, rajaei, dom mintri, nganh mboh hu dom tavk tavaiy piah samal pasiam veik. Hu pilih ruah tame ngak urang QH meng hadei di harei taneh ia yam tame bruk salih barau, ông Bá Nguyệt, urang QH mbang 8 hu mbh rilo salih siam dalam bruk ngak di QH taneh ia drei. Ông Bá Nguyệt brei thau :

Talei pambuak bruk di urang QH saong cử tri – di cử tri saong urang QH dak harei dak hu paglaong saong kak kajap, rik daong praong tame bruk ngak di QH. Tui amuk Dụng Thị Minh Tâm, urang Quốc hội mbang 10, piah pabak siam jang caong khin di cử tri dalam taneh ia, tukvak tal, Quốc hội njauk salih barau saong dom urang jakar Quốc hội njauk ngak catang jang. Amuk Dụng Thị Minh Tâm ndom lac :

70 thun tapa ngan saong 13 nhiệm kỳ, Quốc hội Việt Nam hu dom rikdaong praong ka bruk cah mang di taneh ia, di bhapbini. Dalam bruk salih barau, QH dak harei dak paglaong labik dang, trach nhiem di drei, rik daong praong tame bruk dak padang saong patagok di taneh ia.