Ong Nguyen Xuan Phuc taom gaok song urang taha akaok palei 

Brei panuac di harei roya, akaok negar Nguyễn Xuân Phúc ndom lac labik dang di Mặt trận dak harei dak prong dalam bruk dak padang taneh aia. Đảng, Karja tuk halei jeng sangka tal Mặt trận saong dom gah di Mặt trận. Harei Roya jum pataom abih bangsa nan lac tukvak hu makna biak prong piah ka urang jakar dom pakat duah thau, tui pang hatai saneng di bhap bani. Akaok negar ndom lac, bruk tui pang bhap bani brei hu peih ngak gam gam, yaok harei, tapa rilo jalan karei di gauk piah ka bhap bani jia tame saong pachreih tui.

Mai haong Đông Giang taom gaok bhap bani Cơ Tu, Akaok negar Nguyễn Xuân Phúc brei thau lac biak drut droi tuk hu gilac veik mai rivang bhum taneh saong dom urang jakar, bhap bani hu sa vaktu pambuak pagam, brei mboh bruk thau dhal phol ngan haong bhum taneh cách mạng, labik hu pacang padauk, raong ba urang lin cách mạng dalam bruk mesruh metak peih paha bangsa.

Akaok negar biak bui sambai anak bruk cakrok patagok di huyện Đông Giang jeng yau  xã Ba, bhum taneh kan kandah dahlau daih, urak ini hu salih mbaok meta. Xã Ba njauk patui veik pato pakai dom rai rah jum pataom, jum pataom jang piah mek hu jak jeng jang, thau ka gauk piah anit ranam gauk, jum pataom, dak padang puk palei khang kajap, rahra dak harei dak trei sil, haniem phol.

Lac puk palei hu rilo bhap bani bangsa Cơ Tu daok, puk palei njauk pathau khan, jak ba mikva klaak dom adat cambat tanarakun klak, oh daok lagaih haong rai diuk bahrau, dak padang rai diuk ilamo, khik ramik, patagok asal ilamo bangsa.

Akaok negar caong khin bhap bani xã Ba patagok ilamu jum pataom, anit ranam gauk, daong ba gauk piah cak rok patagok kinh tế xã hội, patrun kathaot daok ala 5%.

Akaok negar jeng iek prong hatung hatai di bhap bani bangsa takik Quảng Nam jang yau huyện Đông Giang hu jak ba bhap bani "klah lisei rabha ao", daong brei njam patam baoh kraoh, jien padai pacang caga jit saong daong ka bhap bani Đà Nẵng dalam jit prong COVID -19.

Akaok negar pandar Tỉnh ủy Quảng Nam tacei pato Mặt trận Negar, dom ban ngành, kapul nyaom jhul khang peih ngak bruk pakacah gauk ranam taneh aia, paglaong siam mekre jang bruk daong ba gauk patrun kathaot khang kajap, rik daong tame bruk padang ngak palei pala bahrau, ban ilamu dalam tỉnh.

Tapa ini, akaok negar Nguyễn Xuân Phúc hu alin brei 7,3 tỉ đồng daong padang ngak 100 baoh sang jum pataom brei ka bhap bani 2 huyện Đông Giang saong Tây Giang, pok brei yaok rituh pok pandap ka baoh sang sarak karja, urang kathaot, anek saih hu rai diuk kan kandah di  tỉnh ini./.

Urang lang: Jasi -18/11