Thau cambaih bruk kanjah jhak di alak, yau nan min klaak hu alak lac bruk biak kan ngan haong bhap bani bhum glaong, bhum ceik Yên Bái. Riak alak – blei alak – menyum alak jeng daok rah tabiak yaok harei saong dom bruk pandik harao jeng daok rah tabiak, njuan ye ruak hakik, trak ye metai lahik, tayah tayac sang danaok. Kadha vak di Đình Tuấn, urang vak di rayo sap ndom Việt Nam:

       Baoh sang kayau taik tahak daok tapen jalan Vĩnh Kiên - Yên Thế nduac tapa palei Trại Máng, xã Vũ Linh, huyện Yên Bình, tỉnh Yên Bái, dahlau diah biak gheih mekre. Po sang lac sa-ai Nông Đình Kiến – urang thợ mộc naih gheih daneiy angan, dahlau diah meng tangin sa-ai ngak jeng baoh sang nan. Oh ta-eng sang drei, dalam ralo thun, sa-ai hu daong ka ralo sang di labik ini ngak hu ralo baoh sang gheih mekre, khang kajap. Yau nan bo urak ini, sa-ai oh daok yam takai nao mai hu, tok mek tangin roi nao mai vin taom dhar sang.

      Sa-ai Đinh Thị Phương – diuk di sa-ai Kiến, brei thau: taong abih mai meng alak. Meng tuk daok dam, hadei di yaok mbang daong mikva padang ngak sang, sa-ai bhian hu po sang payak lisei, payak alak. Yaok mbang yau nan, sa-ai menyum abih drei, blaoh jeng nghiện alak tuk halei oh thau. Atah di ini labaih 10 thun, tangin takai sa-ai megei, tateik blaoh tê liệt, daok tung pruac ye viêm loét. Bruk njauk ndom nan lac nao iek ruak bo jeng oh klaak hu alak. Tal urak ini, yaom lac ruak dak harei dak trak, min diuk di sa-ai harei halei jeng blei alak ka sa-ai menyum tui liều lượng nhất định. Sa-ai Đinh Thị Phương brei thau: "Tuk akaok mereip dahlak saneng pasang drei njauk động kinh, ndaoh rak, tangin takai co quắp, mbaok meta mong mboh biak huac. Dahlak ba nao iek ruak, bác sỹ khám blaoh brei thau, ruak ini oh njauk lac động kinh bo mai meng menyum alak ralo. Labaih 10 thun ini pasang dahlak oh daok pren ngak bruk, dahlak gam ngak ame gam ngak amaik".

       Hadar veik mbang ngộ độc alak bahrau rah tabiak ka drei atah di ini 2 bilan, sa-ai Nguyễn Văn Tấn, daok di palei 7, xã Bạch Hà, huyện Yên Bình, tỉnh Yên Bái, jeng oh ka abih huac. Meyah sang iek ruak suai dom minit, ye oh thau yau habar. Harei ia bulan bak baoh bilan sa, sa-ai hu daa lisei. Dalam van huak, po sang ba alak tram haong dom janih cao, huyết lình saong củ gấu tầu tabiak daa tuai. Hadei di mbang menyum akaok mereip tê khang dalah, sa-ai meng thau lac dalam alak hu độc tố saong oh menyum tra. Yaom lac yau nan, sa-ai saong 2 urang karei jeng njauk nao cấp cứu saong patuah hu tapa truh. 

     Sa-ai Nguyễn Văn Tấn brei thau: "nao radaih patuh tal sang jaik 15 minit ye dom kamuan tapat kanjiak blaoh var drei nao oh daok thau hagait tra. Tukvak jaik 12 tuk nao sang iek dahlak oh thau hagait, tal jaik 3 tuk melam dahlak meng thau kadrei. Urak ini dom urang menyu alak ralo ye dahlak kakei lac alak oh chuẩn ye juai menyum".

      Sa-ai Hà Thị Thúy, daok pak xã Phù Nham, huyện Văn Chấn, oh ka abih pandik harao tuk ndom tal dom urang dalam sang drei metai kayua menyum alak biak ralo. Sa-ai thang saong adei likei njauk ruak gan, blaoh lahik tuk oh ka bak 50 thun, caik veik naong trak ka baoh sang,  ka diuk anek. Tui sa-ai, dom janih alak di palei sa-ai bhian hu lai hóa chất piah ngak jeng rilo alak jang, nan ye biak độc. Dalam sa tukvak katut panak menyum dom janih alak ini,urang likei meda njauk ruak megei yuh tangin saong tamuh ralo janih ruak.  

      Urak ini, dalam dom palei di tỉnh Yên Bái, bruk riak, ngak alak, pablei salih saong menyum dom janih alak ini jeng daok hu mboh ralo. Bhap bani eng drei nao blei pandap mai, ủ men saong ba tame riak. Bruk palih ruah janih brah, janih  men tui htai sahneng di urang ngak alak; urang blei mai sang menyum ye gaok may rủi tuk pandar dom janih alak ini.   

      Dom mbang ngộ độc alak rah tabiak gam gam di ralo puk palei. Urak ini karja dom puk palei kham merat pathau khan, jak ba bhap bani takik menyum alak, min kan si pacang cakak hu. Gah chức năng tỉnh Yên Bái đang daok kham merat pasang iek bruk ngak alak, pablei salih saong tiêu thụ alak. Yau nan, piah patrun, patakik kanjah jhak kayua dom janih alak thủ công, alak oh thau asal di nyu, ye bhap bani lac menuac njauk salih jalan saneng, tuk bo menyum alak hu jeng sa bruk bhian randap./.