Tame darak Hòa Đồng, ban sit Vĩnh Bình, huyện Gò Công Tây, tỉnh Tiền Giang tangi sua amuk taha duan hareik, pablei patei tapen jalan hu bằng đại học thei jeng thau. Kayua meng lavik mai, amuk Phạm Thị Kim Hoa hu mbaok di darak ini piah ngak mbang pablei salih saong birau taduan hu bằng bac tamat đại học Luật kayua Akaok Sang bac đại học Cần Thơ pok brei.

Dalam rai diuk, anuk Phạm Thị Kim Hoa hu mboh oh thau hadom bruk pandik harao, khat lahik di bhap bini kayua takik thau hukum. Yau nan ye, yaom lac umo taha thun praong, sang kan kandah min amuk kham merat bac piah pabak ilamu ka rup drei jeng yau piah daong ka xã hội. Thun 2011, amuk tame Pasak pato thường xuyên likau tut angan tame bac “Đại học Luật pato pakai meng atah” kayua Sang bac Đại học Cần Thơ peih pato pak Tiền Giang…Tuk tal bac tame bac, meng kreh melam amuk Kim Hoa medeih pajeng patei tame darak Hòa Đồng saong payua dom ayut pablei brei. Amuk sa drei peih radaih nduac jaik 30 km meng sang tal ban Mỹ Tho piah sumu tame bac. Umo jaik 60 thun min akaok daok hadah krah saong caik hatai bac nan ye dom panuc pato di gru hu muk Hoa kanal cambaih saong thau hu tantu. Harei 10 bian 5 meng baloh, amuk Phạm Thị Kim Hoa taduan hu bằng bac tamat cử nhân Luật dalam druat druai saong tatuak drei di rilo urang. Ong Nguyễn Văn Bảy, Akok Kapul pachreih bac di huyện Gò Công Tây brei thau, ini lac kareih camin takre bac oh ka mboh di palei ini.

  "Dahlak mboh anai Hoa nan  yau kareih camin, biak kan hu. Anai Hoa sang kan kandah, min kham merat bac da-a tui hatai caong khin di drei. Meda lac, dalam huyen biak takik hu urang halei yau nai Hoa. Dom anek saih, sinh vien hu lagaih min oh kham bac. Huyen hu panuac tagok pakat angaok pok meyaom anai Hoa."                                     

Biak yau nan, kan si hu thei jia lac urang kumei umo taha, mbuk patih kok, sang kathaot bo kham bac saong mek hu bằng cử nhân Luật. Amuk Phạm Thị Kim Hoa, khan lac: "Dahlak kham bac piah pabak ilamu ka rup drei. Kadua lac drei meda daong dom baoh sang kathaot oh hu jien bo tuk gaok kan kandah khin hukum daong ye oh thau ngak yau halei. Ka klau, dahlak sahaneng tal panuac Wa Ho lac Wa bac saong meng bruk kham bac di Wa bo daong mek hu bebat ka palei negar. Wa Ho yau kareih camin bo dahlak caong lac drei drei ini rai rah anek taco hu bac tui Wa. Dahlak caong anek di dahlak tui jalan nan di Wa piah hadei ini hu “ hatai, akaok sahaneng hadah krah” piah daong ka taneh ia."

Oh lac takre bac, amuk Phạm Thị Kim Hoa daok lac urang kumei tuk halei jeng kham merat yam tapa kan kandah, tari tarieng ngak mbang meng dua plak tangin di drei piah raong 4 urang anek mbang, bac. Urak ini, dom anek di amuk hu sa urang daok bac Sang bac Cao đẳng Cao Thắng ban raya Hồ Chí Minh, 3 urang anek karei daok bac phổ thông. Ndem meyai ka amuk Phạm Thị Kim Hoa, amuk Bùi Thị Thành, Pho akaok Kpaul urang taha umo huyện Gò Công Tây khan lac: "Kapul iek praong urang taha umo bo kham merat bac da-a yau ini. Urang ini Kapul hu ba tabiak yaih khan saong pambak praong dalam kapul piah ka urang bac megru ngak tui piah urang hội pagalong ilamu. Yam tapa kan kandah njauk iek praong, kan kandah oh mbuah kan hagait. Kham yam tapa piah hu jak jeng yau ini biak njauk pok meyaom."  

Meng thau hukum tapa bac megru, tukvak tapa amuk Phạm Thị Kim Hoa abih hatai tacei pato hukum, daong oh mek jien ka rilo urang kan kathaot dalam bruk yak bak, ndok công bằng saong quyền lợi tui adat hukum. Amuk taduan daong ka 3 urang yak bak tabiak Tòa piah mek hu công lý. Amuk Phạm Thị Kim Hoa khan lac:"Daok dam daok dara ye brei kham bac. Bac brei bac ilamu, pasram jalan diuk rai, saong ngak habar piah diuk rai njauk tui hukum klah harei hadei palai damen. Dahlak sahaneng meyah bac oh truh ye bac bruk ngak halei nan tui prein yawa di drei. Dahlau di abih, thau sahaneng kham merat. Sahaneng piah pasram saong ba drei kham merat bac naih joi." Yaom lac, raidiuk daok rilo kan kandah, kuhri kuhria ka harei hadei min ndem tal bruk bac ye amuk Phạm Thị Kim Hoa, sa urang kumei umo taha di palei Thạnh Lạc Đông, xã Thạnh Nhựt, huyện Gò Công Tây, tỉnh Tiền Giang mboh chreih chrai tagok. Amuk lac, bruk kham merat bac jeng yau bruk ngak mbang, kuhri kuhria ka raidiuk jeng mai meng bruk bac megru saong ngak tui jalan hadah krah siam mekre di Ho Chi Minh./.