Yaok tuk dak dalikan ka Wa Hồ, abih di nyu nan lac dom dalikan ndom tal hatung hatian bo Wa caik ka urang kan kathaot song uranaih, adei sit Hà Hoàng Minh Ánh bhian oh pacang hu ia meta. Minh Ánh brei thau, dom dalikan giản dị yau nan nyu dong ka adei hu thau jang ka Wa, dak harei dak mboh anit, dak iek praong Wa jang. Adei hu bac meng Wa Hồ biak rilo bruk siam yau  cần kiệm, liêm chính song hatai anit ka menuac sia, tuk halei jeng sangka tal urang karei.

Dalam nyaom pakacah “Khol adei dak dalikan Wa Hồ” kayua ban raya HCM peih tabiak ka uranaih 24 quận, huyện, di bilan 3 meng bloh. Minh Ánh dak dalikan biak gheih mek hu giải glong di abih. Dalikan bo adei ba mai ka Nyaom pakacah, ndom ka mbang nao rivang biak drut droi dalam tuk Tết di Wa di sang saai Chín, sa urang ngak kan kathaot kham rong 3 urang anek mbang bac. Mbang taom gaok dalam bui sambai, dom panuac pachreih ba di Wa brei ka saai Chín ngak ka adei sit ni hadar miet miet. Adei  Hà Hoàng Minh Ánh khan lac :

Dahlau deih adei hu bac biak rilo dalikan ka Wa Hồ, min meng tuk adei bac hu dalikan Wa Hồ mai rivang urang kan kathaot dalam tuk Tết, adei mboh biak drut droi dalam hatai, kayua Wa tuk halei jeng anit ranam urang kan kathaot song uranaih. Yau nan ye adei dak dalaikan ni brei ka dom uranaih karei pang piah dom ayhut sahabah dak anit ranam Wa jang song bac megru tui Wa.

Oh lac takre pang song dak veik dom dalikan ka Wa Hồ, Minh Ánh dok hu hatai takre roh duah dom dalikan gheih ka Wa. Tuk lahaiy, Ánh tame gilang tapuk sang bac duah puac song cih vak veik donm dalikan ndom tal hatung hatai bo Wa brei ka bhap bini VN, abih di nyu nan lac dom uranaih. Tuk thau hu dalikan halei gheih, adei bhian bac kanal bloh dak veik ka dom sahabah di sang bac pang. Pang Ánh dak dalikan, dak harei dak hu rilo anek saih sang bac Tiểu học Minh Đạo takre duah thau dom dalikan ka Wa. Adei Trần Nguyễn Uyên My, anek saih tal bac  5/10 sang bac Tiểu học Minh Đạo lac:

Di sang bac adei mboh Minh Ánh takre dak dalikan ka Wa Hồ brei ka dom ayhut pang. Sap ayhut biak bingi pang ngak ka dom adei biak takre. Adei jeng hu hatai takre yau ayhut nan lac takre roh duah piah dak dom dalikan ka Wa brei ka dom ayhut pang. Tapa nan adei bac megru hu biak rilo kadha siam, ngak siam 5 paka Wa Hồ  pato piah jeng anek saih naih gheih, cháu ngoan Wa Hồ. 

Minh Ánh song rilo anek saih karei hu duah thau cambaih laih dom dalikan gheih ka Wa lac kayua meng rilo thun ni mai, bruk pathau khan jak ba “Bac megru song ngak tui jalan hadah krah siam mekre di HCM” hu dom sang bac di ban raya HCM jhul khang tapa dom bruk ngoại khóa siam lagaih yau puac tapuk, dak dalikan. Mong mboh ni lac sa bruk njauk ngak, tuk tame thun bac, mban giám hiệu sang bac Tiểu học Minh Đạo jeng hu tagok kế hoạch pablah danak dak pato pakai ka jalan hadah krah di HCM dalam dom mbang sinh hoạt ala hala doh, tuk iek phim atau tuk puac tapuk dalam gilang tapuk. Dalam nan, bruk dak dalaikan ka Wa hu pren pambak khang kayua nyu hu makna biak prong. Cei gru Lê Tấn Lộc, Phó bí thư Chi đoàn sang bac Tiểu học Minh Đạo lac

Dom dalikan di Wa song uranaih saong dom dalikan ka Wa hu ba mai dom kadha biak siam brei ka dom adei. Abih di nyu nan lac bruk pato pakai dom adei ngak tui 5 paka Wa Hồ pato jang yau ngak siam 5 bruk di anak saih. Sang bac tuk halei jeng hu dom gilang harak tapuk ka anek saih. Abih di nyu nan lac, gilang tapuk sang bac hu sa labik piah bac megru song ngak tui panuac pato di Wa.

Ngan song Hà Hoàng Minh Ánh, mek hu giải thưởng glnog di abih dalam sa nyaom pakacah prong oh hu yaom glaong yau dom bruk siam gheih bo adei bac hu song hu klah rabha tal dom ayhut sahabah, tapa biak rilo dalakian ndom tal Wa. Thaot binguk  songhatung hatain siam mekre di Wa ngak ka adei tuk halei jeng mboh dalam hatai lac: brei kham merat bac daa song pasram megru biak siam piah mek hu angan Cháu ngoan Bác Hồ./.