Bác sỹ Bùi Đình Lĩnh palei daok di tỉnh Thái Bình, urak ni umo 55 thun min ong hu jiak 30 thun ngak bruk, kak kajap song palei negar ka 2 lac huyện đảo Phú Quý. Thun 1986, tuk taneh ia dok rilo kan kandah kurang anak kurang likuh, sa huyện palao atah yau Phú Quý dak kan kandah jang, abih di nyu nan lac dalam bruk iek glang pren yava bhap bini, bác sỹ Lĩnh hu ba nao ngak bruk di labik ni. Dom thun bilan ngak bruk di angaok palao, ong song đồng nghiệp jum pataom sa hatung hatai kham merat padang bruk y tế dak harei dak pabak bruk iek ruak ka urang jakar, urang lin song bhap bini angaok palao. Ong Nguyễn Mọi, sa urang ruak daok di  xã Long Hải, huyện đảo Phú Quý iek bác sỹ Lĩnh yau sa ân nhân:

Băng 16s:  Thun 1988 hulin pandik ruột thừa, nao sang iek ruak jeng hu bác sỹ Lĩnh daong. Hulin thau dhar phor bác sỹ Lĩnh hu dong ka hulin. Harei ni bác sỹ Lĩnh mai rivang sang hulin, tong abih anek taco prong sit biak thau dhar phor bác sỹ.

Dok ong Phạm Phước, sa urang dok di xã Tam Thanh, huyện Phú Quý ndom ka urang bác sỹ di palao drei yau ini:

Bác sỹ Lĩnh lac sa urang naih gheih, siam hatung hatai yau nan ye bhap bini kol hulin ngak harak likau tỉnh song sở y tế brei ka bác sỹ dok veik dong ka bhap bini, dong ka urang ruak. Bác sỹ Lĩnh lac sa urang  siam hatungh hatian hong urang daok di palao Phú Quý, iek glang urang ruak, tuk hu bruk hagait ye bác sỹ abih hatai dong).

Meng bruk pan akaok di bác sỹ Bùi Đình Lĩnh, hệ thống y tế di palao Phú Quý oh lac ngak siam bruk iek ruak bo dok ngak siam bruk y tế dự phòng. Tui jalan ngak lac pacang ruak siam jang iek ruak, gah y tế angaok palao kham merat ba tabiak dom jalan pacang ruak, peih ngak siam bruk pasang iek dịch tễ, kiểm dịch y tế song hu jalan pacang caga dịch. Kayua yau nan ye, dalam 5 thun tapa, yaom lac jit ruak rah tabiak rilo, min dalam huyện đảo oh hu jit ruak prong rah tabiak, dom jit ruak sit jeng hu tui iek song samar pacang padam. Dom danak dak bruk ngak pakat negar ka y tế hu hu khik ramik, peih ngak samu gauk saong siam lagaih, bruk iek ruak ka bhap bini hu sangka. Huyện palao hu buh jien tabiak padang labik y tế siam mekre, trang thiết bị y tế hu pabak tame, bruk ba ilamu khoa học tame iek ruak hu caik hatai sangka, meng nan paglong chất lượng, pabak bruk iek ruak di puk palei, dong giảm tải ka tuyến angaok. Bác sĩ Bùi Đình Lĩnh, Akaok pasak Y tế quân dân y Phú Quý brei thau

Tui bruk pakacah gauk anit ranam taneh ia, kol hulin ba tabiak bruk ka urang jakar, công nhân viên lac tuk halei jeng kham merat yam tapa kan kandah, dalam tuk dok kan kandah dalam bruk nao mai di palao song boh taneh. Piah pakacah gauk anit ranam taneh ia, mban giám đốc tuk halei jeng tui panuac tacei pato di Wa lac:“Gru jru yau urang amaik anit ranam” pagam pambak tame bruk pachreih tui di bhap bini jeng yau gauk gar urang ruak dalam tuk iek ruak di sang iek ruak.

Yaom lac rai duik di bhap bini angaok palao Phú Quý dok kan kandah, bruk iek ruak dok kurang takik, min meng trách nhiệm di urang ngak bruk y tế, dom y bác sỹ di labik ni tuk halei jeng kham merat, oh padeih bac megru paglaong ilamu, rik dong paglong bruk iek glang pren yava ka bhap bini. Dalam bruk pakacah gauk anit ranam taneh ia nan, bác sỹ Bùi Đình Lĩnh lac sa kreik camin hadah piah ka đồng nghiệp bac megru, piah ka urang lin song bhap bini angaok palao payua abih hatai jia./.