Kalup kapul caoh blaong uranaih Cam Phu Nhuan

        Maong mboh rilo uranaih ba gauk tabiak jalan mein caoh blaong ba tal bala,, thun 2003, ông Karimlos hu  padang kalup kapul caoh blaong uranaih Cam Phú Nhuận, ban raya Hồ Chí Minh saong taduan hu bruk daong di pasak  Thể dục thể thao Quận, daong ka dom adei hu sa mblang mein siam mekre. Aí Nghiêm, urang vak di rayo sap ndom VN daok di ban raya HCM hu kadha vak brei thau :

  Kalup kapul caoh blaong uranaih Cam Phú Nhuận  hu padang tagok atah di ini labaih 10 thun. Dang angan lac sa kalup kapul min, caoh blaong uranaih Cam Phú Nhuận oh daok di đội caoh blaong chuyên nghiệp halei , tok hu padang tagok saong dang pato kayua  huấn luyện viên lac  ông Karimlos. Urak ini kalup kapul pataom hu 15 adei saih di umo meng 10 tal 14 thun tui bac, pasram. Huấn luyện viên Karimlos brei thau, tan bac caoh blaong di kalup kapul Phú Nhuận bac 4 var di asa adit. Dalam nan, hadei yaok bilan, ong gilac brei ka dom cầu thủ sit thun di drei pakacah giao lưu saong dom kalup kapul karei. Taphia di nan, kalup kapul jeng gam gam hu mbaok tame dom giải pakacah thiếu nhi  di ban raya saong dom tỉnh. Dalam  giải caoh blaong  U-10  di ban raya  Hồ Chí Minh di bilan 4, kalup kapul caoh blaong  uranaih Cam Phú Nhuận mek hu vô địch. 

 Tuk akaok mereip tame kalup kapul caoh blaong uranaih Cam Phú Nhuận tok caong hu mein caoh blaong saong dom ayut njauk di thun umo, adei Lý Gosales, anek saih tan bac 6 A, sang bac Trung học cơ sở Đào Duy Anh urak ini daok caong khin jeng cầu thủ chuyên nghiệp. 

Dom adei tame kalup kapul jeng lac sang kan kandah, piah ba mbuan lagaih ka dom adei hu mblang mein siam mekre, raong ba dom caong khin bac da a chuyên nghiệp, pasak Thể dục thể thao quận Phú Nhuận hu daong mblang mein, dom jien mein daok veik jeng kayua ong Karimlos buh  tabiak meng kadung jien di drei. Ông Nguyễn Quốc Phúc, Phó akaok pasak  Thể dục thể thao quận Phú Nhuận brei thau :  dalam luac tukvak meng thun 2003 tal ini, gah thể thao urang Cam hu rilo thành tích siam jang. Urak ini kol dahlak jeng daok pataom tame ka dom adei pasram piah nao pakacah giải caoh blaong uranaih pakat negar

Meng bruk daong di pasak  Thể dục thể thao quận, kalup kapul caoh blaong uranaih Cam Phú Nhuận lac “lò” pakacah caoh blaong uranaih, daong dom adei pabak caong khin “ gam caoh blaong kheih, gam bac joi” hu  jeng biak./.

Thúy Linh