Pak bal raya Hồ Chí Minh, puac thun 2015, hadei di dom mbang tabiak bruk pataom mek, urang likau mbang mboh daok takik di dom jalan praong. Min meng tết Nguyên đán tal ini, likau mbang mboh hu veik di grauk labik. Abih di nyu nan lac, bruk likau jien “trá hình” meng dom jalan ngak karei dak harei dak rilo. Tui panuac tacei di Bí thư Thành ủy Đinh La Thăng ka bruk khik iek urang likau mbang di dom pasak, bal raya hu jalan ngak yau habar piah patrun bruk likau mbang?:

Băng 1: Adei bhian mboh dom urang taha, dom uranaih, abih di nyu nan lac hu dom anek kamar 5- 6 bilan, mboh urang pok nyu nao likau mbang mboh biak anit.

Băng 2: Oh lac anai brei jien sraoh bo anai daok mai sang mek khan ao, phui tra, kayua tuk nan lac bilan barak, angui cuk mboh kalik abih. Anai ba tabiak nai brei gam jien tra.

Ralo bhap bani pak bal raya Hồ Chí Minh hu khan brei khaol dahlak thau yau nan ka bruk likau mbang dalam bal, mboh hu ralo dalam dom harei dahlau saong hadei tết. Sa kapul uranaih nduac tabiak jalan likau jien pak dom canah pak gom bhong; urang taha pal vé số daa urang blei saong likau jien; urang amaik pok anek kamar ndih angaok tangin daok di kreh pandiak pandang ndol likau jien atau ong taha nao tui tuai damuai anak pabah baha piah likau jien… Taong abih dom thaik binguk nan hu mong mboh pak dom jalan prong yau Hồng Bàng (Quận 11), An Dương Vương (Quận 5), baha Phước Hải (Quận 1)... saong dom canah pak, canah klau jalan praong.

Min tuk gah chức năng pataom mek dom urang likau mbang ini ba mai Pasak daong ba rahra di bal raya, oh thei taduan lac drei nao likau mbang. Dom urang nan ndom lac drei nao pablei salih saong mikva mboh anit blaoh brei jien min. Sa-ai Lý Thanh, palei daok pak Sóc Trăng ba tui urang anek 9 bilan piah likau mbang, hu ba tame Pasak Daong ba rahra bal raya khan veik: Adei nao pablei vé số di darak, darak nan ngan hagait adei oh thau kayua adei oh thau akhar. Pok cabar ini glaih ralo nan ye daok padei hasit blaoh brei ka nyu mum. Adei katal akaok mek ndol trun ye urang brei jien. Urang lac drei liakau mbang, blaoh tapa nan meng mek tame ini. Kayua nao pablei vé số amaik nyu pok oh truh, nan ye iew adei pok.

Pak bal raya Hồ Chí Minh, bruk khik iek saong pataom mek urang likau mbang hu peih ngak ralo mbang. Jaik di abih nan lac puac thun 2014, bal raya hu peih mbang ba urang nao bal glai bal klo, urang likau mbang tame pasak bảo trợ xã hội. Hadei di labaih sa thun pataom mek, Pasak Daong ba rahra bal raya hu taduan raok jaik 1.900 urang, dalam nan ba nao dom Pasak Bảo trợ xã hội di Sở Lao động – Thương binh saong Xã hội Bal raya saong dom tỉnh jaik taphia jaik 1.300 urang, brei nao veik sang jaik 800 urang.

Daok urak ini, bruk likau mbang daok mboh veik saong dak harei dak ralo tui dom jalan trá hình piah plaih njaik dom gah chức năng. Bruk urang likau mbang ngak yau urang ruak, pablei vé số, gai tathar tangi, ong bhik nao khất thực, lợi dụng uranaih piah likau jien... dak harei dak ngak kan kandah dalam bruk xử lý.  Ong Lê Chu Giang, Akaok jabat Bảo trợ Xã hội, Lao động – Thương binh saong Xã hội bal raya brei thau, ngak tui tacei pato bahrau ini di Bí thư Thành ủy Đinh La Thăng ka bruk patagok khik iek, pataom mek urang likau mbang, gah bảo trợ xã hội bal raya daok khik veik 3 jalan talei phone pandiak piah ka bhap bani brei thau ka bruk urang likau mbang. Dom bruk bo bhap bani brei thau hu langyah samar, drah piah plaih bruk urang likau mbang trá hình nao labik karei, ngak kan kandah ka bruk khik iek. Anak tal khaol dahlak hu harak văn bản blaoh paje, hu ba trun ka dom quận huyện piah patui ngak bruk pataom mek dom urang likau mbang, ngak habar piah trun tal dom puk palei. Daok ngan haong dom urang alah ngak bruk piah nao likau mbang, bhian nao ralo mbang ye anak tal khaol dahlak pambuak haong dom sở ngành piah ba tabiak dom jalan langyah dom urang ini.

Urak ini, langyah bruk likau mbang di sa labik hu ralo bhap bani daok yau Bal raya Hồ Chí Minh oh njauk lac bruk mbaun. Min meyah dom jalan ngak hu peih ngak khang, ngak gam gam, oh caik rah rabiak bruk yau Yuan lac“bắt cóc bỏ đĩa”, taphia di nan, bhap bani kham merat brei thau tapa jalan talei phone pandiak saong oh brei jien ka urang likau mbang, livik livik harei bruk likau mbang saong likau mbang trá hình meda trun daok takik./.