Harei pataom pakacah palih ruah urang naih gheih siam hatung hatai di bhap bani hu 2 binah nan lac pakacah trắc nghiệm saong pakacah tiểu phẩm. Urang dalam kapul pakacah trắc nghiệm hu ralo umo karei di gauk, lambaok ka cử tri. Dom Kapul nyaom pakacah brei javap jaleiy 20 panuac sua tangi brei thau ka bruk bầu cử yau: quyền saong nghĩa vụ di công dân dalam bầu cử, ứng cử, ndom ka tiêu chuẩn ứng cử viên, ka adat hukum bầu cử… Daok yaok tiểu phẩm hu padang ngak dalam jaik 15 minit.

Pak phường 15, Quận 5, taong abih 5 khu phố jeng caga bruk pakacah biak tani tanat, caik rilo pren yava, tukvak piah padang ngak. Harei pataom pakacah hu bhap bini biak sangka tuk pachreih hu labaih 200 cử tri saong bhap bani mai pataom mbaok. Amuk Nguyễn Thị Phương Hồng, Akaok Ủy ban Mặt trận Negar Phường 15, Quận 5 brei thau, dalam pakacah tiểu phẩm, amuk takre di abih nan lac tiểu phẩm di Khu phố 4 hu angan iew lac : “Chreih chrai nao bầu”. Tiểu phẩm ndom ka bruk dom dam dara takre Faebook njauk kakei abih gauk sangka tal sa bruk prong jaik rah tabiak, nan lac harei pilih ruah urang ka Quốc hội saong hội đồng bhap bani dom pakat anak tal:

Băng: Dalam tiểu phầm ini hu ndom ka dom  tiêu chuẩn tài đức di urang ứng cử. Tapa nan pathau khan brei bhap bani thau cambaih ka Hukum Tổ chức chính quyền địa phương, Hukum pilih ruah urang ka Quốc hội saong hội đồng bhap bani dom pakat. Tiểu phẩm biak gheih, hu ginup abih dom asal.

Sa-ai Nguyễn Thị Thu Hiền, sa cử tri ranaih daok pak phường 13, Quận 5 hadei di tuk mong blaoh tiểu phẩm Harei nyaom bhap bani di Khu phố 2 hu panuac lac, tapa ini sa-ai hu thau cambaih jang ka Hukum pilih ruah urang ka Quốc hội saong hội đồng bhap bani dom pakat, thau cambaih jang ka quyền saong nghĩa vụ di bhap bani, ka tiêu chuẩn di dom urang ứng cử:

Băng: Lac urang umo daok ranaih, bruk drei hu nao bầu cử, duah thau mong iek bruk pakacah ini dahlak thau hu biak ralo kadha kein ka drei dalam bruk bầu cử anak tal. Tuk pan hala phiếu angaok tangin, drei thau cambaih yaom glaong hala phiếu di drei dalam bruk palih ruah urang lambaok ka sap ndom di bhap bani, rik daong ka bruk dak padang karja di bhap bani, kayua bhap bani saong brei ka bhap bani.

Meng bruk lac labik dang tabiak peih nyaom pakacah, Mặt trận Negar Quận 1 hu pambuak bruk siam haong dom kapul nyaom thành viên yau:  kapul dam dara, kapul urang kamei, kapul urang dahlau diah ngak bol lin, liên đoàn urang ngak, kapul hội luật gia, gah tư pháp nan ye manuac urang tame pakacah hu peih prong,  ngak brei chreih chrai jang dalam dom labik daok di bhap bani. Tal urak ini taong abih 10 phường dalam quận hu peih ngak blaoh vòng loại pak cơ sở, dalam nan hu phường Phạm Ngũ Lão saong phường Tân Định hu taong yaom lac peih ngak nyaom pakacah biak gheih, biak siam. 50 panuac sua tangi trắc nghiệm ka bầu cử hu dom kapul nyaom pakacah pan kajap dom quy định adat hukum, javap jaleiy ginup abih, njauk abih, hu ví dụ minh họa biak cambaih laih, biak chreih chrai. Amuk Phạm Thị Ngọc Minh, Phaok Akaok Ủy ban Mặt trận Negar Quận 1 brei thau, cử tri saong bhap bani biak sangka tal bruk pakacah:

 (Băng: Dalam tuk peih nyaom pakacah jeng yau ngak bruk pathau khan, khaol dahlak mboh bhap bani biak sangka tal bruk bầu cử. Brei mboh pak labik bhap bani sua tangi dalam dom mbang nyaom, blaoh ndom ka tiêu chuẩn, nhận xét ứng cử viên ka bruk kê khai tài sản hu njauk halei oh. Bhap bani hu ba tabiak ralo kadha ka dom ứng cử viên  caga pilih ruah tame dom pakat. Ngak habar dom đại biểu njauk hu đức, hu tài, abih di nyu lac hu tâm huyết piah ba hu sap ndom di bhap bani.).

Ong Trần Tấn Ngời, Phaok Akaok thường trực Ủy ban Mặt trận Negar Bal raya Hồ Chí Minh ndom lac: đức saong tài nan lac 2 tiêu chuẩn biak prong di sa urang lambaok ka bhap bani. Ong Ngời taong yaom, tapa binah pakacah trắc nghiệm saong dom tiểu phẩm tự biên, tự diễn, katut panak, bui sambai chreih chrai, mbuan kanar, dom diễn viên quần chúng biak gheih pablak ralo kiến thức ka bầu cử nao tal cử tri saong bhap bani:

(Băng: Đức saong tài nan lac 2 tiêu chuẩn biak prong di sa urang Quốc hội saong hội đồng bhap bani, hu dom pakat, dom gah di mặt trận biak sangka tal. Ini lac sa điều kiện piah ngak habar dom urang lambaok ngak hu siam bruk ngak di drei dalam Quốc hội saong hội đồng bhap bani dom pakat. Mặt trận negar peih bruk hiệp thương piah palih ruah tabiak hu dom ứng cử viên ba tabiak ka bhap bani palih ruah dalam mbang bầu cử anal tal.).

Harei pataom pakacah palih ruah urang naih gheih hu đức hu tài di bhap bani pak bal raya Hồ Chí Minh hu pambak tal dom labik daok, tal yaok triệu bhap bini, padang hatai jia saong ba chreih chai, jia tame dalam cử tri bal raya, salam uan harei bầu cử - Harei roya di taneh aia./.