Ban raya biak sangka iek glang piah dong ka dom DN dalam tuk jit ruak 

Gam haong bruk brei jien, daong ka urang ngak bruk tự do tui jalan chuyển khoản atau brei urang jakar phường nao tal sang piah yar jien ye urak ini dom labik di bal raya HCM daok samar padang angan daong ka dom urang pablei salih di dom darak pasar, dom sang pablei salih oh pablei salih hu kayua jit Covid-19 tui Sarak 09/2021 di HĐ bhap bani bal raya.

Sa-ai Phan Hoàng Tiến – po sa tiệm cakak mbuk angaok jalan Quang Trung, quận Gò Vấp brei thau, jaik 2 bilan ini mai, sa-ai oh ngak hagait hu jien,  nan oh ka ndom tal bruk lac labaih 1 thun tapa oh pablei salih hu. Nan ye, tuk taduan hu jien daong meng UBND phường 3, quận Gò Vấp, sa-ai Tiến biak bui sambai:

“Urang jakar UB bhap bani phường 3 iew phon mai, drei taduan mek hu 2 triệu. Mboh biak uan tabuan! Sa klaih tuk lapa samu sa paok tuk trei. Dalam tuk kan kandah, bal raya HCM hu daong yau nan dahlak biak thau dhal phol”

Tui Sarak 09/2021 di HĐ bhap bani bal raya HCM, dom baoh sang hu tut angan pablei salih dalam quận Gò Vấp saong phường Thạnh Lộc, Quận 12 – labik pacang veik tui Sarak 16 di Thủ tướng Raja-ei mbang camereip di bilan 6 saong dom labik njauk pacang veik brei kareik pabah mbang, padeih ngak piah pacang caga jit hu daong 2 triệu đồng yaok baoh sang. Kadha njauk biai nan lac, bruk pasang iek saong brei jien dalam tukvak biak katut panak. Amuk Võ Thị Xuân Danh – Phaok akaok UB bhap bani phường 3, quận Gò Vấp brei thau,    hu yau nan meng hu bruk hu mbaok tame di chi cục thuế quận dalam bruk padang saong pasang iek dom angan:   

“Chi cục thuế quận pambuak bruk haong phường, iek tui  angan dom baoh sang pablei salih hu mã số thuế saong hu tut angan pablei salih. Meng nan, Phường ngak harak likau jien, daong ka dom baoh sang. Urak ini, phường 3, quận Gò Vấp hu abih tih 273 urang, hu daong ginup abih”

Langiu di dom baoh sang ngak mbang pablei salih, urak ini 21 quận, huyện saong bal Thủ Đức jeng daok pambuak bruk haong mban khik iek dom darak meng kan piah padang  angan saong daong ka urang pablei salih. Dom urang pablei salih oh ngak harak gar hagait piah likau daong. Dahlau di nan, dom urang ngak bruk tự do jeng taduan hu jien daong hadei di tuk tổ dân phố saong Ủy ban bhap bani phường pasang iek, padang angan. Yau nan meda mboh lac, bruk daong meng pok jien daong mbang ka 2 ini di bal raya HCM daok hu peih ngak biak samar drah, klaak meneing dom harak gar ngak kan kandah tal urang hu mbang tui pok jien daong.

Ong Lê Minh Tấn – Akaok Sở LĐ-TB saong XH bal raya HCM brei thau, ini lac dom jalan ngak bahrau di bal raya piah samar daong ka bhap bani dalam tukvak kan kandah ini. Yau nan min, ong Lê Minh Tấn jeng ndom lac , dom labik dalam ban raya njauk peih ngak samar drah min khik hu bruk tantu, cambaih laih saong oh var klaak urang halei:

“Urak ini, Uỷ ban MT negar Việt Nam dom pakat, meng bal tal quận, huyện, phường xã saong dom kapul nyaom dalam Mặt trận yau: Kapul urang kamei, kapul dam dara, Kapul urang nong, Kapul urang dahlau diah ngak bol lin... daok pasang iek bruk padang angan, meyah kurang ye pabak tame chip, meyah labaih ye klaak tabiak. Brei plaih bruk pagam pambak tame sarak piah mbang jien, bruk ini daok hu ban raya ngak catang”

Tal tukvak ini, bal raya HCM hu peih brei blaoh 95% pok jien daong mbang ka 2 tal manuac urang njauk tui adat hukum. Tui urang pal akaok Sở LĐ-TB saong XH bal raya, dalam tuk peih ngak, dom labik dalam ban raya hu pasang iek, pathau khan gam gam. Meng nan, Sở thau hu dom urang gaok kan kandah kayua jit ruak min oh ka taduan hu jien daong dalam mbang ini saong meda pathau khan, pok panuac tagok UB bhap bani bal raya HCM piah pabak veik samar drah, daong ka dom urang hu rai diuk kan kandah./.

Urang lang: Jasi -26/7