Amuk Trần Thị Phải daok di phường Tăng Nhơn Phú B, quận 9, ban raya Hồ Chí Minh, hu bhap bini labik ini pok meyaom kayua hu hatai kham merat yam tagok, tari taring, khin sahneng, khin ngak. Atah di ini 5 thun, sang amuk Phải daok lac sang jaik si kan kathaot. Meng 30 triệu đồng jien mesraiy yaom laba lap 0,65% sa thun di Kadung jien daong urang ngak nong di Kapul urang ngak nong ban raya, amuk Phải buh tame pala rau mầm di sang ngan saong diện tích 50m2. Tukvak thun 2010, kan kandah praong di abih ngan saong urang pala rau mầm lac labik pablei. Piah langyah bruk ini, amuk Trần Thị Phải nao tal yaok sang, yaok khách sạn, kuan mbang, siêu thị piah yaih khan pandap. Bruk kham merat di urang kumei nan hu ba mai kein laba tuk 3 bilan hadei, rau mầm kayua amuk pala hu labaih 10 nhà hàng, khách sạn blei. Ini lac jalan peih tabiak ka amuk peih praong bruk pala.

Tal harei ini, sang amuk Trần Thị Phải padang hu 1 cơ sở pala rau mầm 200m2, hu sang halam nyul, du bilik thu hoạch, sơ chế tui tanut VietGap. Thun ini, cơ sở di amuk pablei tabiak darak pasar jaik 18 tấn rau mầm saong yaom jien mek tame hu 700 triệu đồng. Amuk Phải lac: “Dahlak caong Kadung jien kapul urang ngak nong tagok yaom jien brei ka urang ngak nong mesraiy piah mikva peih praong bruk pala drak, blei jamriak chế biến piah pandap di drei hu yaom glaong di abih. Kayua phun jien takik oh peih praong bruk ngak mbang hu.”

Jeng meng yaom jien mesraiy 20 triệu đồng di Kadung jien daong ka urang ngak nong, ong Võ Văn Lê daok di palei Thới Tứ 2, xã Thới Tam Thôn, huyện Hóc Môn blei hu 2 drei limo binai. Tapa 4 thun, ong Lê bayar hu abih sraiy. Tapon limo di sang ong Lê urak ini hu 6 drei yaom abih tih jaik 100 triệu đồng: “Drei mesraiy hu 20 triệu ye drei blei 2 drei limo binai praong 8 bilan.  8 bilan hadei nyu metian, 9 bilan 10 harei hadei nyu menek. Hadei di nan drei pablei anek, daok 1 drei drei laba, bayar hu sraiy.Khak limo drei jeng pablei hu. Dalam raong limo, drei taring nao yuak hareik, mek prein ngak laba.”

Kadung jien daong urang ngak nong di Kapul urang ngak nong ban raya Hồ Chí Minh hu padang tagok meng bilan 8 thun 2006 saong phun jien meng kadung jien karja tuk camereip tok hu 20 tỷ đồng. Tal harei ini, abih tih phun jien di Kadung jien tagok tal 111 tỷ đồng. Meng phun jien ini, labaih 24.000 mbang baoh sang urang ngak nong hu mesraiy yaok mbang meng 10-30 triệu saong yaom jien laba 0,65% sa thun. Yaok ribau baoh sang yam tagok tabiak truh kan kathaot meng phun jien daong ini. Tapa 5 thun (2011-2015), di dom xã palei pala bahrau di ban raya Hồ Chí Minh hu rilo mô hình ngak mbang hu kein laba, daong ka urang ngak nong tabiak truh kan kathaot dalam tuk phun jien buh tame ngak dom pluh triệu đồng, yau: Mô hình raong limomenek, raong ikan cảnh, pala rau mầm, pala njam hacih, ngak mây tre lá, pablei salih sit… Amuk Nguyễn Thị Kim Đoan, akaok kapul urang ngak nong xã An Nhơn Tây, huyện Củ Chi brei thau: “ kapul urang ngak nong kol dahlak jak ba urang ngak nong pambuak gauk veik piah padang dom kapul pambuak bruk raong glang, pala drak. Urak ini xã An Nhơn Tây padang hu 4 tổ raong limo ia tasau saong 3 chi hội raong limo ia tasau. Dom tổ ini piah daong gauk phun jien saong ilamu kỹ thuật. Daok phun jien ye drei padang kadung jien, meyah sang halei kan kandah ye drei brei ka sang nan nyim saong xoay vòng dalam tổ di drei.”

Taphia bruk daong phun jien, Kapul urang ngak nong ban raya Hồ Chí Minh daok pambuak bruk haong Sở ngak nong saong patagok palei pala jhul khang salih bruk ngak nong tui jalan nông nghiệp đô thị, hiện đại meng bruk daong ka urang ngak nong thau ilamu kỹ thuật, ba công nghệ tame pandar. Kapul urang ngak nong ban raya lac labik camereip dalam taneh ia ba phần mềm tín dụng saong kế toán tame khik ramik kadung jien. Dom pakat Kapul urang ngak nong meng ban raya tal quận, huyện jeng hu lắp đặt komputer piah ngak bruk ini. Tapa bruk padang tagok, ba pandar phun jien di Kadung jien daong urang ngak nong bo rilo hội viên, urang ngak nong dak jia tame Kapul, kham merat hu mbaok tame dom bruk kayua Kapul peih tabiak. Amuk Nguyễn Thị Bạch Mai, Akaok kapul urang ngak nong ban raya Hồ Chí Minh brei thau: “Peih bruk daong phun jien ka urang ngak nong ban raya Hồ Chí Minh, kadha praong di abih lac akaok sahneng di mikva lac mikva mesraiy jien piah ngak mbang, piah daong cakrok kinh tế, ilamu, xã hội di palei. Dom baoh sang hu phun jien 50 triệu atau 100 triệu bo urang daok kurang hadom piah ngak mbang ye Kapul urang ngak nong ban raya daong piah ngak habar gam saong hộii viên cakrok bruk ngak mbang kinh tế.”

Kapul urang ngak nong ban raya daok pataom tame ngak rilo jalan, kham merat patagok yaom jien di kadung jien tal thun 2020 hu 300 tỷ đồng. Tuk phun jien hu patagok, Kapul urang ngak nong brei tagok yaom jien mesraiy ka hội viên, tagok 50 triệu đồng sa sang dalam 2 năm, yaom jien laba jeng lac 0,65% sa thun. Meng 3 phun jien ưu đãi lac: Phun jien ưu đãi tui Quyết định 13 di Ủy ban bhap binbi ban raya, phun jien di Gilang pariak sarak karja saong phun jien di Kadung jien urang ngak nong, ban raya Hồ Chí Minh ngak hu bl;oh danak dak bruk ngak negar padang ngak palei pala bahrau. Dom bruk daong di dom mban, ngành, puk palei daok daong ka urang ngak nong di ban raya hu jien peih praong bruk ngak mbang, pala drak, piah yam tagok ngak kaya meda angaok bhum palei di drei./.