Pak di labik ni Wa Hồ tabiak nao duah jalan dong ka taneh ia 

Brei panuac di Nyaom biai ilamu pakat negar “Hồ Chí Minh haong jalan nao atah tui hatai caong độc lập bangsa saong chủ nghĩa xã hội”, kayua Học viện Chính trị Quốc gia Hồ Chí Minh pambuak haong mBan Tuyên giáo Trung ương, Thành ủy TPHCM saong Tỉnh ủy Cao Bằng peih tabiak bahrau ini, Bí thư Thành ủy TPHCM Nguyễn Văn Nên brei thau, ban roya Bei Gon – Gia Định biak uan tabuan, hadah mbaok meta lac labik hu takai yam di Wa dahlau di tuk tagok kapal, gilai tabiak truh taneh ia, labik brei mboh bruk tasak abih ka hatai sahneng saong bruk ngak, piah ka Wa khang hatai ka bruk pilih ruah di drei. Nan lac nao tal dom taneh ia phương Tây duah jalan daong taneh ia.

Meng hatai iek praong, iek glaong, thau dhar phor bruk ngak praong glaong yau langik tasik di Wa brei ka taneh ia, brei ka bangsa, ini oh lac bruk hadah mbaok meta bo daok lac bruk di Đảng bộ, Karja saong yaok rahra TPHCM dalam bruk bac megru saong ngak tui Wa. Ong Nguyễn Văn Nên ndom lac: “Đảng bộ, Karja, bhap bini TPHCM tuk halei jeng mboh hu dalam rup bruk hadah mbaok meta saong thau hu bruk njauk ngak di drei”. Dalam luac 2 mbang mesruh metak suai lavik, bhap bnini TPHCM tuk halei jeng paglaong hatai anit ranam taneh ia, khang hatai nao tui jalan di cách mạng, abih hatai haong Đảng saong Wa Hồ, gam haong gah Meraong daning ban “nao dahlau mai hadei”, khang hatai mesruh mbiah tal harei taneh ia sron mbon, yasa. Tui Bí thư Thành ủy TPHCM, dom rairah hadei brei kham merat bac megru, patui jalan roh duah taong abih gah piah taong yaom hu abih bruk, yaom glaong saong hatai peih ngak dom caong khin nan di Wa. Bruk bac megru, ngak tui Wa Hồ piah peih ngak hatai caong dak padang taneh ia khang kajap, kaya meda yau Sarak Nyaom Raya mbang XIII di Đảng hu ba tabiak. 

Puac harak tham luận di nyaom biai, ong Phan Nguyễn Như Khuê, akaok mBan Tuyên giáo TPHCM ndom rilo tal bruk hadah mbaok meta tuk ban raya lac labik palo Wa tabiak nao di thun nan. Maong veik jalan nao meng thun 1930-1975 brei mboh lac, Bei Gon - Chợ Lớn - Gia Định tuk halei jeng dang di akaok riyak, jhung hangin, labik di kol thực dân, đế quốc, jeng sa hatung hatai haong gah Meraong “daning ban taneh ia”, “nao dahlau mai hadei” tapa 2 mbang mesruh suai lavik, rambah rambup min biak hadah mbaok meta, dane angan.

Hadei di tuk yasa taneh ia, harei 2-7-1976, ban Bei Gon - Gia Định hadah mbaok meta hu caik angan Chủ tịch Hồ Chí Minh. Hadah mbaok meta lac ban raya angan Wa, Đảng bộ, Karja saong bhap bini TPHCM kham merat pasiam dom khut khat trak damak di mesruh metak, khik kajap jak jeng di cách mạng, tani tanat chính trị, pasiam veik saong patagok kinh tế. Meng sami samar, sahneng duah, hadah krah di drei, thau cambaih dom sarak di Đảng haong Karja, Đảng bộ, karja TPHCM duah jalan nao njauk, pasiam dom kan kandah, patagok bruk ngak mbang pambuak haong ba brei bruk ngak, sangka raidiuk bhap bini, ngak brei cambaih jang jalan nao tagok chủ nghĩa xã hội haong jalan ngak bahrau, jalan sahneng bahrau.

TPHCM ba akaok nao dahlau patagok rilo bruk bahrau dalam kinh tế darak pasar, ngak tabiak pandap panda, lac labik peih tabiak jalan ka bruk padang ngak iek “mô hình chính quyền đô thị”. TPHCM lac labik daok peih ngak bruk khik ramik đô thị thông minh saong daok padang labik đô thị sáng tạo pambuak gauk glaong  gah Timur – ban Thủ Đức. TPHCM jeng lac labik tuk halei jeng kham merat dalam sahneng duah, padang ngak saong patagok dom bruk praong gah ilamu, xã hội, ba tabiak saong peih ngak dom bruk “thau dhar thau phor”. Tapa nan, ba mai kein laba mboh di anak meta, hu makna gah chính trị, kinh tế, ilamu, xã hội dalam - praong, hu prein pambak khang kadang.

Akaok mBan Tuyên giáo TPHCM Phan Nguyễn Như Khuê ndom lac: “Uan tabuan saong hadah mbaok meta lac ban raya angan Chủ tịch Hồ Chí Minh praong uranam, Đảng bộ, Karja saong bhap bini ban raya dak kham merat jang piah ka TPHCM “nao dahlau, tal labik dahlau” dalam bruk CNH, HĐH, jeng ban raya siam piah daok, văn minh, hiện đại, bak hatai anit ranam gauk, njauk haong ban raya angan Chủ tịch Hồ Chí Minh – ban raya Anh hùng”./.

Urang lang: Mousaphuong -5/6