Uan raok Tết Trung thu 2015, meng ni tal harei 25/9. Mban bangsa ban raya HCM hu padang dom kapul nao rivang song brei 500 pok pandap, dalam nan hu ahar trung thu,  lồng đèn… ka dom uranaih bangsa takik di ban raya hu rai duik kan kandah. Abih tih yaom pandap nan lac 100 triệu đồng. Ni lac bruk ngak biak hu makna, piah dong anek kamuan urang bangsa takik sang kan kandah hu bui sambai ba drei tame main song dom uranaih karei karei di ban raya HCM dalam tuk Tết Trung thu. Amuk Nguyễn Thị Thanh Nga, Trưởng phòng chính sách di Mban bangsa ban raya Hồ Chí Minh brei thau: 

Yau yaok thun, mban bangsa hu pok panuac tagok Ub bhap bini ban raya peih bruk iek glang ka uranaih urang bangsa takik hu rai duik kan kandah. Yaom lac pandap dalam thun 2015 ini hu 500 adei, min nyu daok takik dut song uranaih bangsa takik dok di ban raya. Kayua yau nan ye cong khin dom sở , ngành, kapul nyaom jang yau dom quận huyện caik hatai sangka iek glang ka dom adei lac urang bangsa takik dalam quận huyện di drei. 

Meng hatai cong khin dong ka uranaih uan raok Tết Trung thu biak rilo bui sambai, rilo sap klau, di dom quận huyện hu rilo bhap bini bangsa takik duik rai, karja hu peih bruk daoh tamia song brei pandap trung thu ka dom adei. Lac labik hu rilo urang bangsa Chăm daok, tuk vak tapa, Ub bhap bini quận Phú Nhuận bhian sangka tal rai duik di mikva labik ni, daong palagaih ka dom adei urang bangsa Chăm hu naso bac da-a, hu mbaok tame bruk daoh tamia, thể dục thể thao... Uan raok trung thu thun ni, UB bhap bini quận Phú Nhuận hu brei 50 pok pandap ka dom adei urang Chăm sang kan kandah dalam quận. Anak bruk iek glang di karja, ong Karim Los dok di phường 17, quận Phú Nhuận ndom lac:

Ong Tuan Haji Jackrya, Phó Ban quản trị sang megris Chăm phường 11, quận 5 brei thau, trung thu thun ni, 50 uranaih urang bangsa Chăm hu rai duik kan kandah hu taduan pandap meng Ub bhap bini Quận. Langiu di nan, Pasak ilamu quận 5 jeng hu peih bruk ka dom uranaih bangsa Chăm gam song dom uranaih dok dalam quận raok gom trung thu. Tapa bruk main sambai yau ni, talei jum pataom di uranaih bangsa Chăm song dom bangsa karei dok dalam quận dak harei dak kak kajap jang. Ong Jackrya lac:

Meng bruk sangka iek glang di karja, dom mban, ngành, kapul nyaom di ban raya HCM, dom uranaih bangsa takik hu sa bilan trung thu bak hatai anit ranam./.